الماتىدا جۋرناليستەر سايلاۋ ۋچاسكەسىنەن «كۇشتەپ» شىعارىلعان

بۇگىن، 10 قاڭتاردا تاڭەرتەڭ الماتى قالاسى مەن وبلىسىنداعى سايلاۋ ۋچاسكەلەرىنە اقپارات تاراتۋ ءۇشىن بارعان ازاتتىق تىلشىلەرىن نەگىزسىز تالاپپەن كىرگىزبەي قويعان.

وسى ۋاقىتقا دەيىن اقپارات قۇرالدارىنىڭ وكىلدەرىنە پتر-تەستى مىندەتتەلمەگەنىنە قاراماستان سايلاۋ كوميسسيالارى تەست قورىتىندىسىن سۇراتقان.

قالاداعى №173 سايلاۋ ۋچاسكەسىنە بارعان ازاتتىق ءتىلشىسى ايان قالمۇراتتان «سايلاۋ كوميسسياسى توراعاسى نۇرجان ىسقاقوۆ» پتر-تەست تالاپ ەتىپ، ونداعىلار «قولىن كۇشتەپ قايىرىپ شىعارىپ جىبەرگەن». ءدال وسىنداي جاعداي №350 جانە الماتى وبلىسى تالعار اۋدانى جالعامىس اۋىلىنداعى №894 جانە №893 سايلاۋ ۋچاسكەلەرىندە بولعان.

29 جەلتوقسان وسك-مەن كەلىسىلگەن باس سانيتار دارىگەردىڭ قاۋلىسىنا سايكەس، سايلاۋ كەزىندە باق وكىلدەرى پتر-تەست تاپسىرۋعا مىندەتتەلمەگەن، تەك تەك پارتيانىڭ سەنىمدى وكىلدەرى، سايلاۋ كوميسسياسى مۇشەلەرى مەن باقىلاۋشىلاردىڭ عانا پتر-تەستەن وتۋگە مىندەتتەلگەن.

2 جەلتوقسان كۇنى قازاقستان پرەزيدەنتى توقاەۆ 2021 جىلدىڭ 10 قاڭتارىندا وتەتىن ءماجىلىس جانە ءماسليحاتتار سايلاۋىن «اشىق ءارى ءادىل وتكىزۋگە نيەتتى» ەكەنىن مالىمدەگەن ەدى. دەگەنمەن توراعاسىنىڭ «كىتاپحاناعا» جانە ءماجىلىس دەپۋتاتتىعىنان دامەلى داريعا نازارباەۆاعا تۋىستىق جاقىندىعى بار ورتالىق سايلاۋ كوميسسياسى 2019 جىلعى پرەزيدەنت سايلاۋىنان كەيىن باقىلاۋشىلارعا قويىلاتىن تالاپتى كۇشەيتە ءتۇستى. سونداي-اق، اتقارۋ ورگاندارى تاراپىنان قىسىم  ارتقان.

“The Qazaq Times”