Qazaqstannıñ bwrınğı prezidenti Nwrswltan Nazarbaev jäne sayasatker Zamanbek Nwrqadilov. Foto: https://rferl.org

Osıdan 15 jıl bwrın memleket jäne qoğam qayratkeri Zamanbek Nwrqadilov öz üyinen öli küyinde tabıldı. Qazaqstan «merziminen bwrın» prezidenttik saylauğa dayındıq jürgizip jatqan jılı qaza tapqan sayasatkerdiñ ölimi äli künge deyin jwmbaq küyinde qalıp otır.

30 jılday Qazaqstannıñ prezidenti bolğan Nwrswltan Nazarbaevtı «bilikti zañsız iemdenip, jemqorlıq jasadı» dep ayıptap, aşıq sınağan Zamanbek Qalabaywlı oppoziciyalıq pikirlerin bildirgenge deyin iri qızmetter atqardı. Ol Almatı qalası men oblısınıñ äkimi, Mäjilis deputatı, Tötenşe jağdaylar jönindegi agenttik törağası bolğan.

2004 jılı naurızda Nazarbaevtıñ sayasatın sınağannan keyin tötenşe jağdaylar agenttigi jetekşisi Zamanbek Nwrqadilov «qızmet mindetin dwrıs atqarmağan» degen uäjben ornınan alındı. Köp wzamay Nwrqadilov Qazaqstandağı korrupciyağa qarsı qoğamdıq komitet qwratının jariyalap, «Ädiletti Qazaqstan üşin» oppoziciyalıq qozğalısınıñ qwrıltay komitetine endi.

Bir jıldan keyin 12 qaraşada sayasatker Almatıdağı üyinde jwmbaq jağdayda mert boldı. Onıñ jansız denesinen üş oqtıñ izi jäne oqiğa ornınan kezinde oğan sıyğa tartılğan tapanşa tabılğanı habarlandı. Resmi tergeu «Nwrqadilov öz-özin eki ret keudesinen jäne bir ret basınan tapanşadan atıp qaza bolğan» degen qorıtındı jasadı. Biraq oppoziciya «bilikti sınağan qayratker qastandıq qwrbanı bolğan» dep sanaydı.

2005 jılı Almatı qalasınıñ Ğılım akaedmiyasında ötken sayasatkerdiñ jerleu räsiminde jüzdegen adam jinaldı. Birneşe aydan soñ däl osı ğimaratta halıq sayasatker Altınbek Särsenbaevpen de qoştastı. Eki qayratkerdiñ de qazası äli künge deyin tolıq tergelgen joq.

"The Qazaq Times"