Bügin, 2 qazan, Almatıda Qıtay sotı ömir boyı bas bostandığın şekteuge ükim etken Ospan batır wrpaqtarınıñ Qazaqstandağı tuıstarı el biliginen, halıqaralıq adam qwqıqtarın qorğau wyımdarınan araşa swrap baspasöz jiının ötkizdi.

Almatıdağı Adam Qwqıqtarı men zañdılıqtı saqtau Halıqaralıq Byurosınıñ baspasöz zalında ötken şarağa qoğam qayratkerleri men belsendileri, ziyalı qauım ökilderi jäne BAQ ökilderi qatıstı.

Qıtayda auır ayıptar tağılğan Nwrlan Näbiwlı, Nağız Mwhammedwlı jäne Tolqın Soğısaywlı qatarlı azamattarğa ara swrau maqsatındağı baspasöz jiının atalğan azamattardıñ Qazaqstandağı tikeley tuıstarı (otbası müşeleri men jaqın tuıstarı) ötkizip otır. Olardıñ aytuınşa Qıtaydıñ qwqıq qorğau organdarı tuıstarın negizssiz ayıptağan jäne sotta da ayıptardıñ dälelsizdigine qaramastan ükim şığarılğan. Sonday-aq, olar sotta kuälik etuşilerdi ondağı qwqıq qorğau organdarı zorlıqpen jalğan kuälik bergizgen dep sanaydı.

Qıtayda ayıptalğan azamattardıñ biri Tolqın Soğısaywlınıñ tuısı Ahat Äşudiñ aytuınşa atalğan azamattarğa auır qinau körsetken.  «18 aqpannan bastap ayaq-qolına tok baylap 72 kün sabağan. Sınbağan süyegi, ezilmegen eti qalmağan. Tipti olardı sot otırısına alıp şığuğa da densaulıqtarı jaramay qalğan. Bastarın bürkep emhanağa aparıp, keyin jäne qinap swraqqa tartqan», – deydi Ahat Äşu. Olarğa tağılğan ayıptar turalı Ahat Äşu: «Josparlı tuuğa qarsı şıqqan», «qos tildi oqıtuğa qarsı şıqqan», «Qazaqstannıñ täuelizdik künin qwttıqtağan», «rulası, atası bolğan üşin bandı atalğan Ospandı däriptegen, sol arqılı wyım qwrıp, memleketti bölşekteuge wrınğan» degen sekildi jalalardı japqan», – dep körsetedi.

Ayıptaluşılardıñ biri Nağız Mwhammetwlınıñ anası Nazıken Bikeyqızı sözinde: «Wlım Nağız Mwhammedwlı 30 jılday ükimet qızmetinde istegen. 2017 jılı qızmet üstinde joğarı qan qısımnan qwlap, jürek operaciyasın jasatqan edi.  Qazir jazıqsız sottalıp otır. Men Qazaqstan ükimetinen, halıqaralıq adam qwqıqtarın qorğau wyımdarınan balama araşa boluın swraymın», – dedi.

Nwrlan Näbiwlınıñ inisi Örken Ospannıñ aytuınşa, atalğan azamattardıñ isine baylanıstı QR Prezident äkimşiligine jäne QR SİM tarabına birneşe ret araşa swrap hat joldağan. Alayda, bärine birdey «Bir eldiñ işki isi, biz aralasa almaymız» degen jauap kelgen. Bwdan tıs adam qwqığın qorğauşı halıqaralıq wyımdar men elimizdegi qoğamdıq wyımdarğa da arız, talap hattar joldağan. «Soñğı ret 2019 jıldıñ jeltoqsan ayında prezidentimiz Qasım-Jomart Toqaevqa da birqatar ziyalı qauım ökilderi men sayasatkerlerdiñ qolın qoyıp osı mäsele boyınşa hat joldağan edik. Alayda, qazirge deyin naqtı jauap kelgen joq», – deydi Örken Ospan. Ol jäne: «Qıtaydağı bwl nauqan bastalğanına 3-4 jıl bolğanımen, bizdiñ äuletimizge jasalıp jatqan qısımdar Ospan batır atılğannan keyingi 70 jıl boyı jalğasıp kele jatır. Ospan babamız, bilesizder 1951 jılı säuirde Ürimji qalasında atıldı, al balası Şerdiman bir jarım jıldan keyin 1952 jılı qırküyekte qaruın tapsırıp bağındı. Osı kezde jasalğan 11 tarmaqtı kelisim bar. Ol kelisimde Ospan batırdıñ süyegin qaytarıp beruden tartıp, onıñ wrpaqtarınıñ qudalanbaytını, bwrınğı isterdiñ quzastırılmaytını da jazılğan edi. Sol kelisim negizinde batırdıñ wrpaqtarı sol elde ömir sürip keldi. Atalğan üş azamattarda QKP özi tärbilegen memleket qızmetkeleri boldı. Bäri de ükimette, oqu ağartu jäne mädeniet salasında wzaq jıl qızmet etti. Al, olarğa tağılğan ayıptardıñ bäri negizsiz», – dedi.

Jiınğa qatısqan memleket jäne qoğam qayratkeri, sayasatker Baltaş Twrsımbaev sözinde «Ospan batır babamız qazaqtıñ keleşegi üşin öz ömirin qiğan adam. Sondıqtan onıñ wrpağına araşa tüsu, wlttı qorğau biliktiñ borışı», – degen pikirin bildirdi.

Baspasöz jiının wyımdastırğan Ospan batırdıñ Qazaqstandağı wrpaqtarı jäne ayıptalğan azamattardıñ özge tuıstarı Qazaqstan biliginen tıs şeteldik jäne halıqaralıq adam qwqığın qorğau wyımdarınan tuıstarına araşa swraytının jetkizdi.

“The Qazaq Times”