5 mausım küni Qonaev qalalıq sotında agro-sarapşı, azamattıq belsendi Almasbek Sadırbay jäne onımen birge ayıptalıp otırğan tağı altı adamnıñ isi boyınşa sot tergeui jalğastı. Bwl jolğı otırıstıñ negizgi böligi qorğau tarapınıñ ötinişhattarın qarauğa arnaldı. Advokattar prokuratura men jäbirlenuşi tarap ökilderiniñ mälimdemeleriniñ şınayılığına kümän keltirip, sottıñ jurnalisterge beyne jäne audio jazba jürgizuge qoyğan şekteuin qayta qaraudı talap etti.

Qorğau tarapı jäbirlenuşi ökiliniñ mälimdemesin joqqa şığardı

Advokat Anar Qwsayınova

Sot otırısınıñ basında Almasbek Sadırbaydıñ qorğauşısı Anar Qwsayınova birneşe ötinişhat tüsirdi.

Advokattıñ aytuınşa, bwğan deyin Almatı oblıstıq auıl şaruaşılığı basqarmasınıñ ökili Ämirsanin äleumettik jelilerde jäbirlenuşilerdiñ jauap beru kezeñderi tolıq jariyalanıp ketkeni turalı mälimdegen. Sonday-aq memlekettik ayıptauşı Älimjan Sanabaev osı uäjdi negizge ala otırıp sottan jurnalisterdiñ beyne jäne audio jazba jürgizuine şekteu qoyudı swrağan.

Alayda qorğau tarapı jariyalanğan beynematerialdardı zerttey kele, onda jäbirlenuşilerdiñ jauap beru sätteri mülde joq degen qorıtındığa kelgen. Qwsayınovanıñ sözinşe, atalğan beynelerde tek ayıptaluşı, sud'ya jäne memlekettik ayıptauşı ğana körinedi.

Osığan baylanıstı advokat sot nazarın prokuror men jäbirlenuşi ökiliniñ mälimdemelerindegi säykessizdikterge audarıp, eger olardıñ körineu jalğan mälimet bergeni anıqtalsa, qwqıq qorğau organdarına jüginuge qwqılı ekenin mälimdedi.

BAQ qızmetine qoyılğan şekteudi alıp tastau talap etildi

Qorğau tarapınıñ ekinşi mañızdı ötinişi 28 mamır küni qabıldanğan şeşimge qatıstı boldı.

Eske salsaq, bwğan deyin Qonaev qalalıq sotı jurnalisterge sot procesin beyne jäne audioğa jazuğa tıyım salğan bolatın. Ol kezde sot mwnday şekteudi jäbirlenuşilerdiñ qauipsizdigin qamtamasız etu qajettiligimen tüsindirgen.

Alayda advokat Qwsayınovanıñ pikirinşe, keyin anıqtalğan män-jaylar bwl şeşimniñ negizsiz bolğanın körsetedi. Sondıqtan ol jaña män-jaylardıñ payda boluına baylanıstı atalğan qaulını qayta qarap, jurnalisterge sot otırıstarın jazuğa qaytadan rwqsat berudi swradı.

Sonımen qatar qorğauşı jäbirlenuşilerdiñ jauap beru kezinde jalğan jauap bergeni üşin jauapkerşilik turalı eskertilgenin rastaytın qolhattardıñ köşirmelerin berudi talap etti. Bwdan bölek, sot otırıstarınıñ tolıq audio jäne beyne jazbaların qorğau tarabına wsınudı swradı.

Prokurorğa qatıstı jekeşe qaulı şığaru wsınıldı

Ayıptaşı prokuror Älimjan Sanabaev

Anar Qwsayınova memlekettik ayıptauşı Älimjan Sanabaevtıñ äreketterine de nazar audardı.

Onıñ aytuınşa, prokuror jurnalisterdiñ jwmısına şekteu qoyu turalı ötiniş bergen kezde şındıqqa säykes kelmeytin derekterge süyengen. Advokat jariyalanğan materialdarda jäbirlenuşilerge qısım körsetu, qorqıtu nemese olardıñ qauipsizdigine qater töndiru belgileri joq ekenin ayttı.

Osığan baylanıstı qorğau tarapı Almatı oblısınıñ prokurorınıñ atına memlekettik ayıptauşığa qatıstı jekeşe qaulı şığarudı swradı.

Öz kezeginde prokuror Älimjan Sanabaev äleumettik jelilerde özine qatıstı jazılğan keybir auır pikirlerdi sotta oqıp berdi. Alayda ol jariyalanğan materialdarda jäbirlenuşilerge qarsı qorqıtu nemese qısım jasau faktileriniñ bar ekenin naqtı mısaldarmen körsete almadı.

Qorğauşılardıñ barlıq ötinişterin sottaluşılar tolıq qoldadı.

Sud'ya qanday şeşim qabıldadı?

Sud'ya Nwrswltan Qoyşıbaev

Tüski üzilisten keyin sud'ya Nwrswltan Qoyşıbaev qorğau tarapı kötergen mäseleler boyınşa şeşimderin jariyaladı.

Jäbirlenuşilerdiñ jalğan aqparat berui mümkin degen mäselege qatıstı sud'ya bwl jöninde qwqıqtıq bağanı sottıñ özi bermeytinin ayttı. Eger qorğau tarapı jäbirlenuşilerdiñ körineu jalğan mälimet bergenin däleldey alsa, onda olar qwqıq qorğau organdarına jeke tärtippen jüginuge qwqılı ekenin jetkizdi.

Al jurnalisterdiñ beyne jäne audio jazba jürgizuine qatıstı bwrın qabıldanğan şeşim özgerissiz qaldırıldı. Osılayşa sot bwqaralıq aqparat qwraldarına qoyılğan şekteudi alıp tastaudan bas tarttı.

Sonımen birge sot jäbirlenuşilerdiñ ant beru turalı qolhattarınıñ köşirmelerin beru turalı ötinişti qanağattandırdı. Sonday-aq sot otırıstarınıñ audio jäne beyne jazbaların wsınuğa kelisim berdi.

Al memlekettik ayıptauşığa qatıstı jekeşe qaulı şığaru mäselesi boyınşa keyinirek keñesu bölmesinde qwqıqtıq bağa beriletini habarlandı.

Jäbirlenuşi ökilderiniñ märtebesi turalı dau

Otırıstıñ kelesi böliginde jäbirlenuşi ökilderiniñ processualdıq märtebesine qatıstı mäseleler qaraldı.

Qorğauşı Anar Qwsayınova Pavlodar oblısı auıl şaruaşılığı basqarmasınıñ ökili Pak pen Atırau oblısı auıl şaruaşılığı basqarmasınıñ ökili Jaswlan Swltanğalievke qatıstı jauap alu hattamalarınıñ materialdarda naqtı qay jerde ornalasqanı belgisiz bolıp otırğanın ayttı.

Memlekettik ayıptauşı Älimjan Sanabaev Pavlodar oblısında bastapqıda basqa ökil tanılğanın, keyin qızmettik özgeristerge baylanıstı Paktıñ jäbirlenuşi ökili retinde tanılğanın tüsindirdi. Alayda tiisti qwjattardıñ qay tomda ekenin däl qazir ayta almaytının mälimdep, kelesi sot otırısında naqtı jauap beruge uäde etti.

Sot barısında Pavlodar oblısınıñ ökili Paktıñ özi de söz alıp, özinen naqtı jauap alınbağanın, tek is materialdarımen tanısqanı jöninde qol qoyğanın ayttı.

Bwl mälimdeme qorğau tarapınıñ bwrınnan aytıp kele jatqan kümänin odan äri küşeyte tüsti.

Atırau oblısınıñ ökili uaqıt swradı

Otırısta jauap bergen Atırau oblısı auıl şaruaşılığı basqarmasınıñ ökili Jaswlan Swltanğaliev qızmetke jaqında ğana kelgenin ayttı.

Onıñ sözinşe, özi qızmetke kelgenge deyin bolğan jağdaylar turalı tolıq aqparatqa ie emes. Sondıqtan ol köptegen swraqtarğa naqtı jauap bere almaytının aytıp, qosımşa uaqıt swradı.

Qorğau tarapı bwl jauaptarğa narazılıq bildirip, Swltanğalievtiñ jauabı jäbirlenuşi ökilinen göri kuägerdiñ jauabına köbirek wqsaytının alğa tarttı.

Almasbek Sadırbay: «Jurnalistik qwqıq bwzılıp jatır»

Sot ayaqtalğannan keyin Almasbek Sadırbay BAQ ökilderine pikir bildirdi.

Ol sottıñ jurnalisterge qoyılğan şekteudi özgerissiz qaldırğanın sınğa aldı.

«Sizdiñ jurnalistik qwqığıñız bwzılıp jatır. Onı bwzıp otırğan Qonaev qalalıq sotı. Nelikten bwlay bolıp jatqanın özderi jaqsı biledi. Olar şındıqtıñ tolıq jariya bolğanın qalamaydı», – dedi ol.

Qazirgi uaqıtta «The Qazaq Times» aqparat agenttigi sot zalınan beyne jäne audio jazba jürgize almay otır. Sondıqtan redakciya sot procesi turalı aqparattı negizinen mätindik formatta jariyalauğa mäjbür.

 

Almasbek Sadırbay auıl şaruaşılığı salasındağı sarapşılıq qızmetimen jäne qoğamdıq belsendiligimen tanılğan twlğa. Ol wzaq jıldar boyı agrarlıq sayasat, subsidiya bölu mäseleleri jäne fermerlerdiñ qwqıqtarın qorğau taqırıptarın köterip keledi.

Qazirgi is boyınşa Almasbek Sadırbaymen birge Ahat Altınnwr, Almas Berlibatırov, Asqar Jarmenkenov, Maral Toqbaeva, Zulmina Toqbaeva jäne Madina Tastanbekova sot aldında jauap berip jatır.

Tergeu organdarı olarğa Qılmıstıq kodekstiñ 190-babı, 218-babı jäne 262-babı boyınşa ayıp taqqan. Tergeu nwsqası boyınşa, ayıptaluşılar auıl şaruaşılığı salasındağı subsidiyalardı zañsız alu shemasına qatısqan boluı mümkin. Ayıptau aktisinde memleketke keltirilgen zalal kölemi 1,2 milliard teñgeden asadı dep körsetilgen.

Sottaluşılardıñ işinen tek Maral Toqbaeva ğana 190-bap boyınşa tağılğan ayıptı işinara moyındaytının mälimdegen. Qalğan ayıptaluşılar özderine tağılğan barlıq ayıptardı joqqa şığarıp, kinäsiz ekenderin aytıp keledi.

Almasbek Sadırbaydıñ sotqa tartıluı qoğamda ärtürli pikir tuğızdı. Birqatar azamattıq belsendiler men qoğamdıq wyım ökilderi bwl isti qwqıq qorğau organdarı jürgizip jatqan qılmıstıq tergeudiñ zañdı jalğası dep sanaydı. Al endi bir böligi Sadırbaydıñ qoğamdıq qızmeti men bilik organdarın jii sınauına baylanıstı bwl istiñ sayasi astarı boluı mümkin degen pikir aytuda.