Tolqın Aqanwlınıñ jaña jır jinağı. Foto; Ädebiet portalı.

Bügin, 16 qırküyek, Euraziya jäne Qazaqstan Jazuşılar odağınıñ müşesi, aqın-sazger, akademik-däriger Tolqın Aqanwlınıñ «Qarağaybastauım» attı jır jinağınıñ onlayın twsaukeser-tanıstırılımı ötti.

Bwğan deyin astanadağı Jazuşılar üyinde twsauı kesilip, oqırmanğa jol tartqan jır jinaqtıñ kezekti onlayn twsaukeserin Almatıdağı Jambıl atındağı qalalıq jasöspirimder kitaphanası men «Er Jänibek» halıqaralıq qorınıñ wyımdastırğan.

Onlayn şarağa qatısqan Qazaqstan Jazuşılar odağı basqarma törağasınıñ birinşi orınbasarı, aqın Aqberen Elkezek, etnograf, jazuşı Bolat Bopaywlı, Qazaqstannıñ Mädeniet qayratkeri Qayrat Qwlmwhammed, aqın, Mwrat Şaymaran, Jazuşılar odağınıñ Elordadağı filialınıñ törağası, aqın Däuletkerey Käpwlı qatarlı aqın, qalamgerler, öner men ömirdegi qalamdas joldastarı avtordıñ öleñi men ömirdegi qırları turalı estelikter aytıp, jaña kitapqa sät sapar tiledi.

Onlayn konferenciya.

Sonday-aq, onlayn formattağı konferenciyağa Jambıl atındağı kitaphananıñ meñgeruşisi Ğaziza Nwrğalieva hanım jäne özge de jır süyer oqırmandar qatıstı. Şara barısında Tolqın Aqanwlınıñ ädebiet pen önerden tıs medicina salasındağı bilgir mamandığı men halqına qayırımdı mecenat ekeni de tilge tiek boldı.  Şara soñında avtor Tolqın Aqanwlı qatısuşılarğa alğısın bildirip, jır jinağınan öleñ kädesin wsındı.

Avtor turalı:

Tolqın Aqanwlı 1968 jılı mamırda Tarbağataydıñ Maylı-Jayır öñirinde tuğan. Qıtay Halıq Respublikasında 20 jıldan astam uaqıt medicina salasında qızmet etip, atalğan salanıñ basşılıq qızmetinde de  mindet atqarğan. Atajwrtqa oralğannan keyin de otandıq medicina salasınıñ damuına azamattıq ülesin qosqan. 2009 jıldan bastap Elordadağı «Baqkeldi–2012» JŞS-nıñ direktorı jäne bas därigeri bolıp qızmet etip keledi. «Qazaqstannıñ Wlttıq Agroönerkäsip Palatasınıñ» Qoğammen baylanıs jönindegi vice-prezidenti, «Er Jänibek» Halıqaralıq Qoğamdıq qorınıñ vice-prezidenti.

 

“The Qazaq Times”