Senatorlar Wlttıq wlan böliminde.

Bügin Qazaqstan Respublikası Parlamenti Senatınıñ Halıqaralıq qatınastar, qorğanıs jäne qauipsizdik komitetiniñ törağası Däriğa Nazarbaeva bastağan Qazaqstan Respublikası Parlamentiniñ senatorları I.Adırbekov, M.Altınbaev, N.Äbiqaev, S.Jaqsıbekov, L.Qiınov, G.Kim jäne Oñtüstik Qazaqstan oblısınıñ äkimi Janseyit Tüymebaev memleket jäne qoğam qauipsizdigin qamtamasız etu mäseleleri boyınşa Qazaqstan Respublikası Wlttıq wlanınıñ Şımkent qalasında ornalasqan 6506 äskeri bölimine arnayı issaparmen keldi. Bwl turalı Wlttıq wlan «Oñtüstik» öñirlik qolbasşılığınıñ Baspasöz qızmeti habarladı.

Kezdesu barısında QR Wlttıq wlanı «Oñtüstik» öñirlik qolbasşılığınıñ qolbasşısı general-mayor Qayrat Aqtanov jäne onıñ orınbasarları, sonday-aq 6506 äskeri böldiminiñ komandiri Jambıl Qwlbaev  deputattardı 6506 äskeri böliminiñ jauıngerlik qızmeti jäne äskerdiñ jeke qwramına jüktelgen qwqıq qorğau mindetteri turalı, sonday-aqäskeri qwrılımdı odan äri damıtudağı keleşekte atqarılatın ister jayında habardar etti.

İssapar barısında senatorlarğa tehnikanıñ, qaru-jaraq pen qorğanıs qwraldarınıñ jaña ülgileri, sonday-aq Wlttıq wlannıñjetildirilgen jañaşa äskeri kiim ülgileri tanıstırılıldı.

Äskeri bölimniñ tınıs-tirşiligimen tanısqan Däriğa Nwrswltanqızı bastağan jwmıs tobı 1995 jılı täjik-auğan şekarasında bolğan qaqtığısta erlikpen qaza tapqan İşki äskerdiñ jaujürek 17 jauıngeriniñ eskertkişine tağzım jasadı.

«Jas bürkit» äskeri-patriottıq klubınıñ tärbielenuşileri

İs-şara soñında deputattarğa Wlttıq wlan Bas qolbasşısı general-leytenant Ruslan Jaqsılıqovtıñ bwyrığımen qwrılğan «Jas bürkit» äskeri-patriottıq klubınıñ tärbielenuşileri jauıngerlik ädis-täsilderden qoyılımdar körsetti.

«The Qazaq Times»