سەناتورلار ۇلتتىق ۇلان بولىمىندە.

بۇگىن قازاقستان رەسپۋبليكاسى پارلامەنتى سەناتىنىڭ حالىقارالىق قاتىناستار، قورعانىس جانە قاۋىپسىزدىك كوميتەتىنىڭ توراعاسى داريعا نازارباەۆا باستاعان قازاقستان رەسپۋبليكاسى پارلامەنتىنىڭ سەناتورلارى ي.ادىربەكوۆ، م.التىنباەۆ، ن.ابىقاەۆ، س.جاقسىبەكوۆ، ل.قيىنوۆ، گ.كيم جانە وڭتۇستىك قازاقستان وبلىسىنىڭ اكىمى جانسەيىت تۇيمەباەۆ مەملەكەت جانە قوعام قاۋىپسىزدىگىن قامتاماسىز ەتۋ ماسەلەلەرى بويىنشا قازاقستان رەسپۋبليكاسى ۇلتتىق ۇلانىنىڭ شىمكەنت قالاسىندا ورنالاسقان 6506 اسكەري بولىمىنە ارنايى ىسساپارمەن كەلدى. بۇل تۋرالى ۇلتتىق ۇلان «وڭتۇستىك» وڭىرلىك قولباسشىلىعىنىڭ ءباسپاسوز قىزمەتى حابارلادى.

كەزدەسۋ بارىسىندا قر ۇلتتىق ۇلانى «وڭتۇستىك» وڭىرلىك قولباسشىلىعىنىڭ قولباسشىسى گەنەرال-مايور قايرات اقتانوۆ جانە ونىڭ ورىنباسارلارى، سونداي-اق 6506 اسكەري ءبولدىمىنىڭ كومانديرى جامبىل قۇلباەۆ  دەپۋتاتتاردى 6506 اسكەري ءبولىمىنىڭ جاۋىنگەرلىك قىزمەتى جانە اسكەردىڭ جەكە قۇرامىنا جۇكتەلگەن قۇقىق قورعاۋ مىندەتتەرى تۋرالى، سونداي-اقاسكەري قۇرىلىمدى ودان ءارى دامىتۋداعى كەلەشەكتە اتقارىلاتىن ىستەر جايىندا حاباردار ەتتى.

ءىسساپار بارىسىندا سەناتورلارعا تەحنيكانىڭ، قارۋ-جاراق پەن قورعانىس قۇرالدارىنىڭ جاڭا ۇلگىلەرى، سونداي-اق ۇلتتىق ۇلاننىڭجەتىلدىرىلگەن جاڭاشا اسكەري كيىم ۇلگىلەرى تانىستىرىلىلدى.

اسكەري ءبولىمنىڭ تىنىس-تىرشىلىگىمەن تانىسقان داريعا نۇرسۇلتانقىزى باستاعان جۇمىس توبى 1995 جىلى تاجىك-اۋعان شەكاراسىندا بولعان قاقتىعىستا ەرلىكپەن قازا تاپقان ىشكى اسكەردىڭ جاۋجۇرەك 17 جاۋىنگەرىنىڭ ەسكەرتكىشىنە تاعزىم جاسادى.

«جاس بۇركىت» اسكەري-پاتريوتتىق كلۋبىنىڭ تاربيەلەنۋشىلەرى

ءىس-شارا سوڭىندا دەپۋتاتتارعا ۇلتتىق ۇلان باس قولباسشىسى گەنەرال-لەيتەنانت رۋسلان جاقسىلىقوۆتىڭ بۇيرىعىمەن قۇرىلعان «جاس بۇركىت» اسكەري-پاتريوتتىق كلۋبىنىڭ تاربيەلەنۋشىلەرى جاۋىنگەرلىك ءادىس-تاسىلدەردەن قويىلىمدار كورسەتتى.

«The Qazaq Times»