Foto: Zakon.kz

Alada kele jatqan parlament saylauı partiyalıq tizim boyınşa boladı.

Eks-prezident Nwrswltan Nazarbaev «Nwr Otan» partiyası sayasi keñesiniñ keñeytilgen otırısında alda kele jatqan parlament saylauına qatıstı mälimdeme jasadı.

«Kelesi mäslihat saylauları mäjilis saylauı siyaqtı partiyalıq tizimi boyınşa boladı. Biz keybir bloger opponentterimizden majoritarlıq saylau jüyesine ötu turalı wsınıstardı estip jatırmız. Bwnday bastamalarğa jauap beru kerek. Bwl jerde naqtı wsınıs joq, sol bayağı sıldır söz. Bilikti qwrğaq sözben sınauda. Ne isteu kerektigin aytıp, bireu wsınıs jasasa igi. Biz demokartiyanıñ bastauı sanaytın Europa elderiniñ 63 payızı saylaudı proporcionaldıq jüye boyınşa ötkizedi. Majoritarlıq jüye negizinen partiyalıq jüyesi älsiz,  bir adamğa negizdelgen Aziya elderine tän. Proporcionaldıq jüye halıqaralıq demokartiya negizderine say. Partiya jwmıs istep, mäseleni şeşetin naqtı wsınıstar jasauı tiis. Sol kezde bedel men halıq qoldauı boladı» - dedi Nazarbaev.

Bwdan bölek «Nwr Otan» köşbasşısı barlıq saylaular zañ boyınşa uaqıtında ötetinin aytıp, bwl taqırıpta äñgime qozğaudı qoyu kerektigin ayttı.

Soñğı ret Qazaqstanda parlament saylauı 2016 jılı bolğan. Zañ boyınşa kelesi saylau 2021 jılı ötui tiis. Biraq birneşe aydan beri qazaq qoğamında küzde nemese qañtar-aqpan aylarında kezekten tıs parlament saylauı ötui mümkin degen äñgimeler qızu talqılanuda.

Qazirgi uaqıtta Qazaqstanda jeti sayasi partiya bar. Olardıñ işinde tek bir ğana JSDP «Aqiqat» partiyası  özin oppoziciyalıq dep jariyalağan. Qalğan partiyalardıñ barlığı bilikpen ımıralas sayasi toptardan jasaqtalğan.

"The Qazaq Times"