Foto: baigenews.kz

Astanada "Nwr Otan" partiyası sayasi keñesiniñ otırısı "qwpiya" ötip jatır. Oğan aqparat qwraldarı şaqırılmağan. Jiınnan translyaciya da körsetilmeydi. Otırıstıñ özi seysenbi küni kündizgi sağat 3-te bastalatını habarlanğan edi. Bwl turalı Ortalıq Aziya jañalıqtar qızmeti jazdı.

Azattıq tilşileri seysenbi küni "Elbası kitaphanasına" barğan kezde ğimarat mañında küzet küşeygenin kördi. Ğimarat qaqpası jabıq, oğan tek arnayı rwqsatı bar kölikter ğana kirip jattı. Kitaphana mañında kamera bekitilgen kölikter, jedel järdem maşinalarınıñ twrğanı bayqaldı. Policiya avtobustarı da bar.

Azattıqtıñ tüsirilim tobın körgen saqşılar kelip, "kitaphanada jiın ötip jatır, bastıqtar ketsin dep jatır" dep eskertu jasadı.

Birinşi prezident Nwrswltan Nazarbaevtıñ baspasöz hatşısı Aydos Ükibay telefonına jauap bermedi. Al "Nwr Otan" partiyasınıñ baspasöz qızmeti bir kün bwrın sayasi keñes otırısı onlayn körsetilmeytinin aytqan.

Bwğan deyin partiyanıñ sayasi keñes otırısında "türli özgeristerdiñ bolatını" jaylı boljamdar aytılğan.

Keñes otırısına qatısuşılardıñ biri 23 qaraşada Azattıq tilşisine jiında "partiyanıñ saylaualdı bağdarlamasın iske asıru mäselesi qarastırılıp jatır. Jiındı partiya törağası [Nwrswltan Nazarbaev] jürgizip jatır" dep habarladı.

"The Qazaq Times"