فوتو: Zakon.kz

الادا كەلە جاتقان پارلامەنت سايلاۋى پارتيالىق ءتىزىم بويىنشا بولادى.

ەكس-پرەزيدەنت نۇرسۇلتان نازارباەۆ «نۇر وتان» پارتياسى ساياسي كەڭەسىنىڭ كەڭەيتىلگەن وتىرىسىندا الدا كەلە جاتقان پارلامەنت سايلاۋىنا قاتىستى مالىمدەمە جاسادى.

«كەلەسى ءماسليحات سايلاۋلارى ءماجىلىس سايلاۋى سياقتى پارتيالىق ءتىزىمى بويىنشا بولادى. ءبىز كەيبىر بلوگەر وپپونەنتتەرىمىزدەن ماجوريتارلىق سايلاۋ جۇيەسىنە ءوتۋ تۋرالى ۇسىنىستاردى ەستىپ جاتىرمىز. بۇنداي باستامالارعا جاۋاپ بەرۋ كەرەك. بۇل جەردە ناقتى ۇسىنىس جوق، سول باياعى سىلدىر ءسوز. بيلىكتى قۇرعاق سوزبەن سىناۋدا. نە ىستەۋ كەرەكتىگىن ايتىپ، بىرەۋ ۇسىنىس جاساسا يگى. ءبىز دەموكارتيانىڭ باستاۋى سانايتىن ەۋروپا ەلدەرىنىڭ 63 پايىزى سايلاۋدى پروپورتسيونالدىق جۇيە بويىنشا وتكىزەدى. ماجوريتارلىق جۇيە نەگىزىنەن پارتيالىق جۇيەسى ءالسىز،  ءبىر ادامعا نەگىزدەلگەن ازيا ەلدەرىنە ءتان. پروپورتسيونالدىق جۇيە حالىقارالىق دەموكارتيا نەگىزدەرىنە ساي. پارتيا جۇمىس ىستەپ، ماسەلەنى شەشەتىن ناقتى ۇسىنىستار جاساۋى ءتيىس. سول كەزدە بەدەل مەن حالىق قولداۋى بولادى» - دەدى نازارباەۆ.

بۇدان بولەك «نۇر وتان» كوشباسشىسى بارلىق سايلاۋلار زاڭ بويىنشا ۋاقىتىندا وتەتىنىن ايتىپ، بۇل تاقىرىپتا اڭگىمە قوزعاۋدى قويۋ كەرەكتىگىن ايتتى.

سوڭعى رەت قازاقستاندا پارلامەنت سايلاۋى 2016 جىلى بولعان. زاڭ بويىنشا كەلەسى سايلاۋ 2021 جىلى ءوتۋى ءتيىس. بىراق بىرنەشە ايدان بەرى قازاق قوعامىندا كۇزدە نەمەسە قاڭتار-اقپان ايلارىندا كەزەكتەن تىس پارلامەنت سايلاۋى ءوتۋى مۇمكىن دەگەن اڭگىمەلەر قىزۋ تالقىلانۋدا.

قازىرگى ۋاقىتتا قازاقستاندا جەتى ساياسي پارتيا بار. ولاردىڭ ىشىندە تەك ءبىر عانا جسدپ «اقيقات» پارتياسى  ءوزىن وپپوزيتسيالىق دەپ جاريالاعان. قالعان پارتيالاردىڭ بارلىعى بيلىكپەن ىمىرالاس ساياسي توپتاردان جاساقتالعان.

"The Qazaq Times"