Foto: https://netstorage-nur.akamaized.net

Ukraina prezidenti Vladimir Zelenskiy 7-8 tamız aralığında Ankarağa resmi issaparmen barıp, Türkiya prezidenti Rejep Tayıp Erdoğanmen kezdesedi. Bwl turalı «QHA media» habarladı.

Kezdesu barısında taraptar Qırımdağı qauipsizdik mäselesin jäne Ukrainanıñ Türkiyamen diplomatiyalıq qarım-qatınasın talqılamaq. Sonımen qatar, Kiev pen Ankaranıñ erkin sauda baylanısı qarastırılmaq.

Zelenskiydiñ türik köşbasşısımen alğaşqı kezdesuin ukrainalıq sarapşılar «jetistikke» bağalap otır. Olardıñ aytuınşa, eki el ortaq ekonomikalıq baylanıs jasay otırıp, Qırımdağı jağdaylardı da retke keltire aladı. Sebebi, osı uaqıtqa deyin Ankara jäne Ukraina arasında ortaq sayasi jobalar bolmağan.

20 mamırda Zelenskiy Ukraina prezidenti lauazımındağı alğaşqı şeteldik saparın Bryussel'den bastauğa nietti ekendigin aytqan. Keyinnen ol AQŞ, Kanada, Europalıq odaq jäne Türkiyağa saparalaytının mälimdegen. Zelenskiy kez kelgen issapar barısında Ukrainanıñ Reseymen baylanısına erekşe toqtalıp ötetinin habarladı.

Jaña prezidentti wlıqtau räsimine qatısuğa kelgen AQŞ ökilderimen kezdesude Zelenskiy: «Donbass pen Qırımdağı Resey agressiyasına özimiz qarsı twra almaymız. Sondıqtan sizderdiñ kömekteriñiz kerek. Ukraina aumağınıñ twtastığın qalıpqa keltiru isinde köşbasşılıq tanıtıp, el işin reformalauda kömek körsetkenderiñiz üşin alğıs bildiremiz jäne Amerika tarabı Reseyge qarsı sankciyalardı küşeytudi jalğastırsa eken deymiz. AQŞ – Ukrainanıñ Resey agressiyasına qarsı twruda quattı äri iri seriktesteriniñ biri», – dep mälimdedi.

"The Qazaq Times"