فوتو: https://netstorage-nur.akamaized.net

ۋكراينا پرەزيدەنتى ۆلاديمير زەلەنسكي 7-8 تامىز ارالىعىندا انكاراعا رەسمي ىسساپارمەن بارىپ، تۇركيا پرەزيدەنتى رەجەپ تايىپ ەردوعانمەن كەزدەسەدى. بۇل تۋرالى «QHA media» حابارلادى.

كەزدەسۋ بارىسىندا تاراپتار قىرىمداعى قاۋىپسىزدىك ماسەلەسىن جانە ۋكراينانىڭ تۇركيامەن ديپلوماتيالىق قارىم-قاتىناسىن تالقىلاماق. سونىمەن قاتار، كيەۆ پەن انكارانىڭ ەركىن ساۋدا بايلانىسى قاراستىرىلماق.

زەلەنسكيدىڭ تۇرىك كوشباسشىسىمەن العاشقى كەزدەسۋىن ۋكراينالىق ساراپشىلار «جەتىستىككە» باعالاپ وتىر. ولاردىڭ ايتۋىنشا، ەكى ەل ورتاق ەكونوميكالىق بايلانىس جاساي وتىرىپ، قىرىمداعى جاعدايلاردى دا رەتكە كەلتىرە الادى. سەبەبى، وسى ۋاقىتقا دەيىن انكارا جانە ۋكراينا اراسىندا ورتاق ساياسي جوبالار بولماعان.

20 مامىردا زەلەنسكي ۋكراينا پرەزيدەنتى لاۋازىمىنداعى العاشقى شەتەلدىك ساپارىن بريۋسسەلدەن باستاۋعا نيەتتى ەكەندىگىن ايتقان. كەيىننەن ول اقش، كانادا، ەۋروپالىق وداق جانە تۇركياعا ساپارالايتىنىن مالىمدەگەن. زەلەنسكي كەز كەلگەن ءىسساپار بارىسىندا ۋكراينانىڭ رەسەيمەن بايلانىسىنا ەرەكشە توقتالىپ وتەتىنىن حابارلادى.

جاڭا پرەزيدەنتتى ۇلىقتاۋ راسىمىنە قاتىسۋعا كەلگەن اقش وكىلدەرىمەن كەزدەسۋدە زەلەنسكي: «دونباسس پەن قىرىمداعى رەسەي اگرەسسياسىنا ءوزىمىز قارسى تۇرا المايمىز. سوندىقتان سىزدەردىڭ كومەكتەرىڭىز كەرەك. ۋكراينا اۋماعىنىڭ تۇتاستىعىن قالىپقا كەلتىرۋ ىسىندە كوشباسشىلىق تانىتىپ، ەل ءىشىن رەفورمالاۋدا كومەك كورسەتكەندەرىڭىز ءۇشىن العىس بىلدىرەمىز جانە امەريكا تارابى رەسەيگە قارسى سانكتسيالاردى كۇشەيتۋدى جالعاستىرسا ەكەن دەيمىز. اقش – ۋكراينانىڭ رەسەي اگرەسسياسىنا قارسى تۇرۋدا قۋاتتى ءارى ءىرى سەرىكتەستەرىنىڭ ءبىرى»، – دەپ مالىمدەدى.

"The Qazaq Times"