Ukraina prezidenti Vladimir Zelenskiy reseyşil sayasatker Viktor Medvedçukke tağılğan ayıp turalı pikir bildirdi.

Zelenskiy Medvedçuktiñ üstinen qozğalğan qılmıstıq is jıldar boyı eldiñ sayasi-ekonomikalıq keñistiginde basımdıqqa ie bolıp kelgen magnattar tobınıñ ıqpalın şekteudiñ bası ğana deydi. Sonday-aq ol swhbatında: «Saylanbağan elita özderiniñ biligi men baylığın uıstan şığarıp almas üşin jüyeni qwrdımğa ketirdi. Bwl – kürestiñ bası ğana. Eldegi barlıq oligarhtar azayıp, iri käsipker deñgeyine tüskenge deyin osı siyaqtı şaralar jalğasa beredi», – dedi.

12 mamırda Ukraina Parlamentiniñ deputatı Viktor Medvedçuk pen Taras Kozak memleketke opasızdıq jasadı degen küdikke ilindi. Ukrainanıñ Qılmıstıq kodeksine säykes, küdik rastalğan jağdayda olar on bes jılğa deyin bas bostandığınan ayırıluı mümkin.

Bas prokuror Irina Venediktovanıñ mälimetinşe, deputattar Qırımda Wlttıq resurstardı tonap, memleketke qastandıq jasağan. Äzirge, Viktor Medvedçuktıñ meken-jayı anıqtalğan joq. Keyinnen Medvedçuktıñ baspasöz qızmeti sayasatkerdiñ Ukrainada ekenin habarlap, onıñ üyi men keñsesinde tintu jürgizu zañsız dedi. Al Taras Kozak Reseyge ketken.

Viktor Medvedçuk – Resey prezidenti Vladimir Putinmen jeke tığız baylanıstağı ukrain sayasatkeri. Ol Ukraina şığısındağı ukrain äskerileri men Resey qoldaytın separatister arasındağı qaqtığıstı toqtatu üşin ötetin kelissözge ünemi qatısadı.

"The Qazaq Times"