Qazaqstanda qauipti oba oşaqtarı tabıldı

Qazaqstannıñ 3 oblısı men bir qalasında Kongo-Qırım gemmoragiyalıq qızbasınıñ tabiği oşağı tirkelgen.

Bwl jaylı QR Densaulıq saqtau ministrliginiñ tauarlar men körsetiletin qızmetterdiñ sapasın jäne qauipsizdigin baqılau komiteti törağasınıñ orınbasarı Jandarbek Bekşin arnayı brifing barısında mälimdedi. J.Bekşinniñ aytuınşa, atalğan oba belgileri Jambıl oblısı, Türkistan, Qızılorda, Şımkentten bayqalğan. Öz sözinde ol: «Qazaqstanda oba, tulyaremiya siyaqtı asa qauipti infekciyalardıñ tabiği oşaqtarı bar. Al Jambıl, Qızılorda, Türkistan oblıstarı men Şımkent qalasında Kongo-Qırım gemorragiyalıq qızbası men büyrek sindromdı gemorragiyalıq qızbasınıñ oşaqtarı anıqtaldı. Qazaqstannıñ barlıq oblıstarında küydirgi, kene encefaliti, qwtıru siyaqtı qauipti indetterdiñ qolaysız stacionarlıq punkteri bar. Bıltır Şığıs Qazaqstannıñ Katonqarağay audanında sibir jarasınıñ oşağı şığıp, bir adam köz jwmğan bolatın. Keyin auru bwrınğı mal qorımınan şıqqanı anıqtalğan. Biıl Şığıs Qazaqstanda sibir jarasınıñ qaupi joq. Esesine, Türkistan oblısında bir oşaq anıqtalıp otır», – dep mälimdedi.

Qauipti obalardı köbinese şetelge şıqqan qazaqstandıq turister jwqtıradı. Oba jwğuı mümkin elder qatarnıda Madagaskar aralı, Tayland, Afrika, Singapur, Braziliya, Ündistan, V'etnam bar. Mälimetter boyınşa, bıltır älem elderi boyınşa 300 mıñ tırısqaq tirkelip, 900 adam ölgen. 200-den astam küydirgi, 500-ge juıq Kongo-Qırım gemorragiyalıq qızbası, 200-den astam sarı qızba, 300 mıñğa juıq denge qızbası tirkelgen. Al Qazaqstanda soñğı eki jılda Tayland, Ündistan, Singapur jäne V'etnam elderinen Kongo qızbasınıñ tasımaldanuı 10 ret,  denge qızbasınıñ tasımaldanuı 9 ret tirkelgen.

"The Qazaq Times"