"Qımbattı almatılıqtar, qala qonaqtarı, Sarıarqa kinoteatrınıñ artında sağat 10-da beybit şeru boladı!" dep dıbıs zoraytqışpen eldi şaqırğan erikti soñğı onjıldıqta alğaş ret sankciyalanğan mitingke ügitteuden bastalğan jiınğa birneşe jüzdegen azamattar qatıstı.  "Policiya qızmetkerlerinen qorıqpay beybit şeruge ötiñizder" dep, qoldarına jadnama wstatıp, azamattıq ün bildiruge "ündeude". Jiında köptegen taqırıp qozğaldı. Azamattıq qoğam belsendileriniñ jas-jasamısı 20-dan astam spiker söz söylep, pikir bildirdi. Birazı söz basında mwnday rwqsat etilgen miting körmegenine köp bolğanın aytıp, "qwttıqtauların" joldap jattı.  Belgili sayasatkerler Rısbek Särsenbay, Hasen Qojahmet, Ermwrat Bapi, Marjan Aspandiyarovalar men birge "Şındıqtan qaşıp qwtıla almaysıñ" wranınıñ avtorı Asya Tulesova, "Beybit şeru üşin, özimizdiñ dauısımızdı köteru üşin bizge eşkimniñ rwhsatı kerek emes!" degen Äsem Jäpişeva bastağan jastardıñ üni jarqın şıqtı.  Jıl basınan beri sankciyalanbağan jiındardan köz aşpağan Qazaqstan üşin tıñ jañalıq "rwqsat etilgen şerude" kimder nendey mäselelerdi köterdi? Aytılğan wsınıstar men qoyılğan talaptar soñı ne bolmaq, mitingten bilik özine qandayda bir mindettemeler ala ma? Biraq soñğı swraq aldağı uaqıttıñ enşisinde.

“The Qazaq Times”