"قىمباتتى الماتىلىقتار، قالا قوناقتارى، سارىارقا كينوتەاترىنىڭ ارتىندا ساعات 10-دا بەيبىت شەرۋ بولادى!" دەپ دىبىس زورايتقىشپەن ەلدى شاقىرعان ەرىكتى سوڭعى ونجىلدىقتا العاش رەت سانكتسيالانعان ميتينگكە ۇگىتتەۋدەن باستالعان جيىنعا بىرنەشە جۇزدەگەن ازاماتتار قاتىستى.  "پوليتسيا قىزمەتكەرلەرىنەن قورىقپاي بەيبىت شەرۋگە وتىڭىزدەر" دەپ، قولدارىنا جادناما ۇستاتىپ، ازاماتتىق ءۇن بىلدىرۋگە "ۇندەۋدە". جيىندا كوپتەگەن تاقىرىپ قوزعالدى. ازاماتتىق قوعام بەلسەندىلەرىنىڭ جاس-جاسامىسى 20-دان استام سپيكەر ءسوز سويلەپ، پىكىر ءبىلدىردى. ءبىرازى ءسوز باسىندا مۇنداي رۇقسات ەتىلگەن ميتينگ كورمەگەنىنە كوپ بولعانىن ايتىپ، "قۇتتىقتاۋلارىن" جولداپ جاتتى.  بەلگىلى ساياساتكەرلەر رىسبەك سارسەنباي، حاسەن قوجاحمەت، ەرمۇرات باپي، مارجان اسپاندياروۆالار مەن بىرگە "شىندىقتان قاشىپ قۇتىلا المايسىڭ" ۇرانىنىڭ اۆتورى اسيا تۋلەسوۆا، "بەيبىت شەرۋ ءۇشىن، ءوزىمىزدىڭ داۋىسىمىزدى كوتەرۋ ءۇشىن بىزگە ەشكىمنىڭ رۇحساتى كەرەك ەمەس!" دەگەن اسەم جاپىشەۆا باستاعان جاستاردىڭ ءۇنى جارقىن شىقتى.  جىل باسىنان بەرى سانكتسيالانباعان جيىنداردان كوز اشپاعان قازاقستان ءۇشىن تىڭ جاڭالىق "رۇقسات ەتىلگەن شەرۋدە" كىمدەر نەندەي ماسەلەلەردى كوتەردى؟ ايتىلعان ۇسىنىستار مەن قويىلعان تالاپتار سوڭى نە بولماق، ميتينگتەن بيلىك وزىنە قاندايدا ءبىر مىندەتتەمەلەر الا ما؟ بىراق سوڭعى سۇراق الداعى ۋاقىتتىڭ ەنشىسىندە.

“The Qazaq Times”