«Aqmeşittegi» besin namazınan keyin keyin el aldına Türkistan oblısınıñ äkimi Ömirzaq Şökeev pen Eñbek jäne halıqtı äleumettik qorğau ministri Berdibek Saparbaev şıqtı. Oblıs äkimi halıqqa: «..Biz mwnday öte kürdeli jağdaydan aman-esen, jap-jaqsı şığıp kele jatırmız», – dep mälimdedi. Sonday-aq, äkim Arıs qalasında oq-däri birjola joyılatının jäne onda radiaciya qaupi joqtığına atap körsetti. Ol tipti halıq aldında "Basımmen jauap beremin" degen sözinde berdi. 

Türkistan oblısı äkiminiñ aytuınşa, eger apat zardaptarı tolıqtay tizgindelip, qalağa kiruge rwqsat berilgen jağdayda arnayı tärtipte dayın transportpen tasımaldanatının, baspana men mal-mülikke tolıq taldau-tirkeu jasalıp, bağalau jwmıstarı jürgiziletinin ayttı. Ö.Estaywlı halıqqa jasağan mälimdemesinde, Arıs qalası 17 sektorğa bölingenin, är sektor şamamen 400-450 üyden twratının, osı bölinis boyınşa eks-prezident N.Nazarbaev bir ay işinde qayta qalıpqa keltiru jwmıstarın jasaudı tapsırğanın jetkizdi. Ol öziniñ de Arıs qalasına «künde barıp twratının», jağdaydı tikeley özi baqılaytının da ayttı. Oblıs äkimi sonday-aq, arıstıqtardıñ nesiesine qatıstı qoldau şaraları da qarastırılatının da aytıp ötti.

Öz kezeginde Eñbek ministri B.Saparbaev: «Arıs mäselesine qatıstı barlıq ministrlik ökilderi, özge oblıstardıñ äkim orınbasarları, Qwrılıs basqarması basşıları kelip jatır», –  dey kele, tüske deyin arıstıqtardıñ jağdayımen tanısqanın, auruhanalardağı nauqastarmen kezdeskenin ayttı. Endigi kezek ministr oblıs äkimimen birge Arısqa barıp, ekolog-veterenarlardıñ jwmıs barısın tekseretinin bildirdi. Ol arıstıqtarğa: «Elu jılda köşirilmese, endi keşiriledi, ağayındar.... Bükil qazaqstandıqtar bolıp kömektesip jatqanda büyrekten siraq şığarmayıq», – dep basu ayttı.

Mikrofondı qolına alğan oblıs äkimi söz soñında Qorğanıs ministriliginiñ habarlamasına säykes erteñ, yağni 28.06.2019 j.  tañğı sağat 8:00-den bastap Arıs qalası aşılatının, al tañğı 6:00-de tasımaldau qızmeti jwmısın bastaytının jariyaladı.

(Video avtorı arıstıq twrğın Tuaşov Arman)

“The Qazaq Times”