«اقمەشىتتەگى» بەسىن نامازىنان كەيىن كەيىن ەل الدىنا تۇركىستان وبلىسىنىڭ اكىمى ومىرزاق شوكەەۆ پەن ەڭبەك جانە حالىقتى الەۋمەتتىك قورعاۋ ءمينيسترى بەردىبەك ساپارباەۆ شىقتى. وبلىس اكىمى حالىققا: «..ءبىز مۇنداي وتە كۇردەلى جاعدايدان امان-ەسەن، جاپ-جاقسى شىعىپ كەلە جاتىرمىز»، – دەپ مالىمدەدى. سونداي-اق، اكىم ارىس قالاسىندا وق-ءدارى ءبىرجولا جويىلاتىنىن جانە وندا رادياتسيا قاۋپى جوقتىعىنا اتاپ كورسەتتى. ول ءتىپتى حالىق الدىندا "باسىممەن جاۋاپ بەرەمىن" دەگەن سوزىندە بەردى. 

تۇركىستان وبلىسى اكىمىنىڭ ايتۋىنشا، ەگەر اپات زارداپتارى تولىقتاي تىزگىندەلىپ، قالاعا كىرۋگە رۇقسات بەرىلگەن جاعدايدا ارنايى تارتىپتە دايىن ترانسپورتپەن تاسىمالداناتىنىن، باسپانا مەن مال-مۇلىككە تولىق تالداۋ-تىركەۋ جاسالىپ، باعالاۋ جۇمىستارى جۇرگىزىلەتىنىن ايتتى. ءو.ەستايۇلى حالىققا جاساعان مالىمدەمەسىندە، ارىس قالاسى 17 سەكتورعا بولىنگەنىن، ءار سەكتور شامامەن 400-450 ۇيدەن تۇراتىنىن، وسى ءبولىنىس بويىنشا ەكس-پرەزيدەنت ن.نازارباەۆ ءبىر اي ىشىندە قايتا قالىپقا كەلتىرۋ جۇمىستارىن جاساۋدى تاپسىرعانىن جەتكىزدى. ول ءوزىنىڭ دە ارىس قالاسىنا «كۇندە بارىپ تۇراتىنىن»، جاعدايدى تىكەلەي ءوزى باقىلايتىنىن دا ايتتى. وبلىس اكىمى سونداي-اق، ارىستىقتاردىڭ نەسيەسىنە قاتىستى قولداۋ شارالارى دا قاراستىرىلاتىنىن دا ايتىپ ءوتتى.

ءوز كەزەگىندە ەڭبەك ءمينيسترى ب.ساپارباەۆ: «ارىس ماسەلەسىنە قاتىستى بارلىق مينيسترلىك وكىلدەرى، وزگە وبلىستاردىڭ اكىم ورىنباسارلارى، قۇرىلىس باسقارماسى باسشىلارى كەلىپ جاتىر»، –  دەي كەلە، تۇسكە دەيىن ارىستىقتاردىڭ جاعدايىمەن تانىسقانىن، اۋرۋحانالارداعى ناۋقاستارمەن كەزدەسكەنىن ايتتى. ەندىگى كەزەك مينيستر وبلىس اكىمىمەن بىرگە ارىسقا بارىپ، ەكولوگ-ۆەتەرەنارلاردىڭ جۇمىس بارىسىن تەكسەرەتىنىن ءبىلدىردى. ول ارىستىقتارعا: «ەلۋ جىلدا كوشىرىلمەسە، ەندى كەشىرىلەدى، اعايىندار.... بۇكىل قازاقستاندىقتار بولىپ كومەكتەسىپ جاتقاندا بۇيرەكتەن سيراق شىعارمايىق»، – دەپ باسۋ ايتتى.

ميكروفوندى قولىنا العان وبلىس اكىمى ءسوز سوڭىندا قورعانىس مينيسترىلىگىنىڭ حابارلاماسىنا سايكەس ەرتەڭ، ياعني 28.06.2019 ج.  تاڭعى ساعات 8:00-دەن باستاپ ارىس قالاسى اشىلاتىنىن، ال تاڭعى 6:00-دە تاسىمالداۋ قىزمەتى جۇمىسىن باستايتىنىن جاريالادى.

(ۆيدەو اۆتورى ارىستىق تۇرعىن تۋاشوۆ ارمان)

“The Qazaq Times”