Keşe, Almatıdağı QR Wlttıq kitaphanasında belgili aqın-jazuşı, publicist, audarmaşı, filologiya ğılımdarınıñ kandidatı, Qazaqstan Jazuşılar odağınıñ jäne Qazaqstan Jurnalister odağınıñ müşesi Baqıtbek Bämişwlınıñ şığarmaşılıq keşi ötti. Keş aqınnıñ asqaralı 60 jasqa tolğan mereytoyı qarsañında ötti.

Seken Twrısbek aqınnıñ keşine küyden şaşu şaştı. Foto: QT.

Keşke aqınnıñ ğılım men ädebiettegi wstazdarı, qalamdas-zamandas serikteri, auıldas ağayın-jwrtı, oqırmandarı jäne önerpazdar men BAQ ökilderi qatıstı. Keş tizginin halıqaralıq "Alaş" sıylığınıñ iegeri, aytısker aqın Däuletkerey Käpwlı wstap, alqalı sözdiñ şımıldığın Jazuşılar odağı basqarma törağası Wlıqbek Esdäuletov aştı. Öleñ men önerdegi ağa buın qasqa men jaysañ kezegimen söz alıp, Bämişwlı şığarmalarınıñ qır-qatparları, eñbek jolınıñ bel-belesteri turalı estelikter men alqaulı sözder söyledi.

"Er Jänibek" qoğamdıq qorınıñ qwrmetti prezidenti Maqswt Temirbaev qor atınan sıylıq tabıstadı. Foto; QT,

Sonday-aq, keşte aqınnıñ sözine jazılğan änder orındalıp, "Ospan batır" poemasınıñ negizinde şağın spektakl qoyıldı.

Öner akademiyasınıñ studentteri "Ospan batır" poeması negizinde spektakl qoydı. Foto: QT

Baqıtbek Bämişwlınıñ eline bergen şığarmaşılıq keşi "Er Jänibek" halıqaralıq qoğamdıq qorı jağınan halıqaralıq deñgeyde atalıp ötilip jatqan Ospan batırdıñ 120 jıldıq mereytoy ayasında ötkenin, keşke "Er Jänibek" qorınan tıs, Qazaqstan Jazuşılar odağı men QR Wlttıq kitaphanasınıñ qoldau körsetkenin atap ötken jön.

Aqın jäne önerpazdar. Foto: QT.

Aqın turalı az ayal

Bämişwlı Baqıtbek aqın  Bayan-Ölgey aymağınıñ Bwlğın swmınında Ülken Temirtiniñ Nortı jaylauında  1958 jılı 25 mamırda düniege kelgen. 1975 jılı Bwlğın swmındıq 8 jıldıq, 1977 jılı Wlanbatır qalasında Hose Marte atındağı 52- şi on jıldıq orta mektepti bitirgen.  1977 jılı Reseydiñ Leningrad (Sankt-Peterburg) qalasında Politehnikalıq instituttıñ dayındıq kursında oqıp, akademik Obrazcov atındağı Temir joldar institutın 1983 jılı tamamdap, injener-elektrik mamandığı boyınşa «avtomatika, telemehanika jäne baylanıs» mamanı bolıp şığadı. Moñğoliyanıñ Memlekettik Universiteti janındağı Basqaru qızmetkerlerin dayarlau institutın tämamdağan. Filologiya ğılımdarınıñ kandidatı, aqın-jazuşı, publicist, audarmaşı,  Qazaqstan Jazuşılar Odağınıñ jäne Qazaqstan Jurnalister Odağınıñ müşesi.  Halıqaralıq «Köş» gazetin birneşe jıl basqardı. «Minber.kz» wlttıq internet gazetiniñ atqaruşı redaktorı. Almatı «Metropoliten qızmetkeri. «Mahmud Qaşqari jäne moñğol tili» jäne «Moñğoliya qazağınıñ tili: äleumettik qırı» attı monografiyalar jazdı. O.Süleymenovtıñ «Az i YA» kitabın moñğol tiline, al moñğol aqını R.Çoynomnıñ «Altay» dastanın, türiktiñ halıq aqını Qaraojalan, türkimen aqını Oraz YAgmurov öleñderin qazaq tiline audardı. «Mäñgi kök aspan astında» (1998 j), «Twmarlı tañ» (2003 j), «Bay Bwlğın jerim-ay» (2008 j), «Ospan batır» (2008 j), «Aytorı ğwmır» (2012 j), «Azanbay abız» (2013 j), «Zuqa batır – alasapıran zamana arıstanı» attı öleñder men poemalar jinaqtarı, «Ajalsız adam» (2016 j) attı äñgimeler men hikayattar, «Altın araldıñ arğımaqtarı» (2018 j) öleñ-roman kitabı jarıq kördi. «Baybesik twmaları» (E.Aqberenmen birigip), «Şer – şejire», «Tarazı», «Läu» qatarlı jinaqtardı qwrastırdı. Onnan astam öleñderine än jazıldı.

Keşke qonaqtarı. Foto: QT. 

“The Qazaq Times”