Qazaqstannıñ eks-prem'er-ministri Äkejan Qajıgeldin kezekten tıs prezident saylauına qatıstı pikir bildirdi.

"Nastoyaşee vremya" telearnasına bergen swhbatında Äkejan Qajıgeldin:

"Saylau ayaqtaldı. Dauıs sanau jürip jatır. Men ekinşi tur bolatınına senimdimin. Sebebi Ämirjan Qosanov alda keledi. Men bwğan senimdimin jäne bizde dälelder bar. Bwnıñ barlığı aspannan alınğan joq. Aqorda bwl jağdaydan qalay şığatının jäne erteñ ekinşi tur jariyalay ma, joq pa ol jağın biz bilmeymiz. Biraq, biz onıñ alda kele jatqanın bilemiz. Ekinşi tur boluı kerek..." - dep mälimdedi.

Qazirge Exit poll qorıtındısı boyınşa, Qasım-Jomart Toqaev alda keledi. Oğan halıqtıñ 70,13% dauıs bergen. Al Ämirjan Qosanov 15,39% dauıspen ekinşi orında.

Ayta ketetin bir jayt, bwğan deyin prezidenttikke ümitker Ämirjan Qosanovtıñ özi de "ekinşi tur boladı" dep mälimdegen. Saylaudıñ naqtı qorıtındısı birer sağattardan keyin belgili boladı.

"The Qazaq Times"