Referendum: Qatısu belsendiligi jäne Exit poll boljamı

Keşe, 5 mausım küni, jeksenbide elimizde tağı bir sayasi mañızdı oqiğa ötti. Ol bolsa prezidenti Qasım-Jomart Toqaev jarnamalağan «Jaña Qazaqstan» üşin asa mañızdı dep sanalğan Konstituciyalıq reformağa qatıstı referendum.

Resmi mälimetterge qarağanda, referendumğa  8 millionnan astam adam qatısqan, olar jalpı dauıs beru qwqığına ie azamattar sanınıñ 68 payızdan astamın ieleydi eken. Öñirlerdegi azamattardıñ qatısu belsendiligi boyınşa Türkistan oblısı köş bastasa, Almatı qalasında qatısu belsendiligi öte tömen bolğan.

Ortalıq Referendum komissiyasınıñ ökili Mwqtar Ermannıñ QazAqparatqa bergen mälimeti boyınşa el kölemindegi referendumğa qatısu belsendiligi mınaday:

Aqmola oblısı – 73,81

Atöbe oblısı – 58,06

Almatı oblısı –72,83

Atırau oblısı –67,68

BQO – 69,37

Jambıl oblısı – 69,59

Qarağandı oblısı – 77,39

Qostanay oblısı –72,28

Qızılorda oblısı – 79,89

Mañğıstau oblısı – 61,19

Pavlodar oblısı – 75,53

SQO – 75,49

Türkistan oblısı – 80,66

ŞQO – 77,49

Elorda – 57,06

Almatı – 33,30

Şımkent – 72,53

Alayda birqatara aqparat qwraldarı da, otandıq jäne şeteldik baqılauşılar da kezekti referendumda el azamattarınıñ qatısu belsendiligi tömen boldı dep bağalağan edi. Onıñ sebebi bwdan bwrınğı prezident saylauındağı ädiletsizdikter jäne referendumnıñ dwrıs jolğa qoyılmauı dep sanaydı.

QR ORK qazirşe referendumnıñ soñğı nätijesin jariya etken joq. Biraq, eldegi üş birdey Exit poll saualnamaları boyınşa Referendumdı qoldap dauıs bergender sanı basım dep körsetilgen.

Ayta keteyik, referendum küni narazılıq akciyaların wyımdastırğan sayasi toptar da boldı. Alayda, küştik qwrılımdar jağına narazılıq akciyaları baqılauğa alınıp, akciyalar auqımdı deñgeyge jete alğan joq.