قازاقستاننىڭ ەكس-پرەمەر-ءمينيسترى اكەجان قاجىگەلدين كەزەكتەن تىس پرەزيدەنت سايلاۋىنا قاتىستى پىكىر ءبىلدىردى.

"ناستوياششەە ۆرەميا" تەلەارناسىنا بەرگەن سۇحباتىندا اكەجان قاجىگەلدين:

"سايلاۋ اياقتالدى. داۋىس ساناۋ ءجۇرىپ جاتىر. مەن ەكىنشى تۋر بولاتىنىنا سەنىمدىمىن. سەبەبى ءامىرجان قوسانوۆ الدا كەلەدى. مەن بۇعان سەنىمدىمىن جانە بىزدە دالەلدەر بار. بۇنىڭ بارلىعى اسپاننان الىنعان جوق. اقوردا بۇل جاعدايدان قالاي شىعاتىنىن جانە ەرتەڭ ەكىنشى تۋر جاريالاي ما، جوق پا ول جاعىن ءبىز بىلمەيمىز. بىراق، ءبىز ونىڭ الدا كەلە جاتقانىن بىلەمىز. ەكىنشى تۋر بولۋى كەرەك..." - دەپ مالىمدەدى.

قازىرگە Exit poll قورىتىندىسى بويىنشا، قاسىم-جومارت توقاەۆ الدا كەلەدى. وعان حالىقتىڭ 70,13% داۋىس بەرگەن. ال ءامىرجان قوسانوۆ 15,39% داۋىسپەن ەكىنشى ورىندا.

ايتا كەتەتىن ءبىر جايت، بۇعان دەيىن پرەزيدەنتتىككە ۇمىتكەر ءامىرجان قوسانوۆتىڭ ءوزى دە "ەكىنشى تۋر بولادى" دەپ مالىمدەگەن. سايلاۋدىڭ ناقتى قورىتىندىسى بىرەر ساعاتتاردان كەيىن بەلگىلى بولادى.

"The Qazaq Times"