Säbit Mwqanov atındağı qazaq sazdı-drama teatrı. Petpropavl. Alğıs aytu forumı. 01.03.2017

1 naurızda Säbit Mwqanov atındağı qazaq sazdı-drama teatrında oblıs äkimi Erik Swltanovtıñ qatısuımen Alğıs aytu künine arnalğan  «Qazaqstandıq jerdiñ jıluı» attı oblıstıq forum ötti.

Forumdı aşqan Erik Swltanov Alğıs aytu küniniñ erekşe tarihi mañızdılığın atap ötti. «Mereke tarihımızdıñ kezeñderimen tığız baylanıstı. Bwl Qazaqstanğa tağdır qalauımen kelgen türli etnostağı milliondağan  adamdardı qabıldağanı üşin   qazaq jeri men halqına arnalğan alğıs aytu  küni. Ol ruhani birlik sezimin, wlttıq kelisim  men ortaq maqsattar men mindetter üşin birlesudi bildiredi», - dedi Erik Swltanov.

Soltüstik Qazaqstan oblısınıñ äkimi Erik Swltanov. Petropavl. 01.03.2017

Alğıs aytu küni Qazaqstan halqı assambleyasınıñ  qwrılu künimen  säykes kelip otır. Prezidenttiñ qwrğan biregey institutı qazaqstandıq birdeylik pen   «Mäñgilik el» jalpıwlttıq  patriottıq ideyasınıñ negizi  boldı.

Qazir Qazaqstanda bir şañıraqtıñ astında 100-den astam etnos tatu twradı. «Respublika boyınşa  oblısımız   eñ köp wlttı ekenine maqtan etemiz. Oblıstıq Qazaqstan halqı Assambleyası jıldan jılğa  oblısımızda birlik pen kelisimdi saqtau üşin köp eñbek etip jür», - dedi Erik Swltanov.

Sonımen qatar, öñir basşısı Assambleya ardagerleriniñ, etnomädeni birlestikter  basşıları men jastardıñ wltaralıq jäne konfessiyaaralıq kelisimdi nığaytuda qosqan ülesin atap ötti.

Säbit Mwqanov atındağı qazaq sazdı-drama teatrı. Petpropavl. Alğıs aytu forumı. 01.03.2017

Forum Qazaqstan halqı assambleyasınıñ şığarmaşılıq wjımdarınıñ äzirlegen koncerttik bağdarlamasımen ayaqtaldı.

Teatr foyesinde «Qayırımdı El» jalpıwlttıq akciyası ayasında qayırımdılıq järmeñkesi wyımdastırıldı.

“The Qazaq Times”