1 ناۋرىزدا ءسابيت مۇقانوۆ اتىنداعى قازاق سازدى-دراما تەاترىندا وبلىس اكىمى ەرىك سۇلتانوۆتىڭ قاتىسۋىمەن العىس ايتۋ كۇنىنە ارنالعان  «قازاقستاندىق جەردىڭ جىلۋى» اتتى وبلىستىق فورۋم ءوتتى.

فورۋمدى اشقان ەرىك سۇلتانوۆ العىس ايتۋ كۇنىءنىڭ ەرەكشە تاريحي ماڭىزدىلىعىن اتاپ ءوتتى. «مەرەكە تاريحىمىزدىڭ كەزەڭدەرىمەن تىعىز بايلانىستى. بۇل قازاقستانعا تاعدىر قالاۋىمەن كەلگەن ءتۇرلى ەتنوستاعى ميلليونداعان  ادامداردى قابىلداعانى ءۇشىن   قازاق جەرى مەن حالقىنا ارنالعان العىس ايتۋ  كۇنى. ول رۋحاني بىرلىك سەزىمىن، ۇلتتىق كەلىسىم  مەن ورتاق ماقساتتار مەن مىندەتتەر ءۇشىن بىرلەسۋدى بىلدىرەدى»، - دەدى ەرىك سۇلتانوۆ.

سولتۇستىك قازاقستان وبلىسىنىڭ اكىمى ەرىك سۇلتانوۆ. پەتروپاۆل. 01.03.2017

العىس ايتۋ كۇنى قازاقستان حالقى اسسامبلەياسىنىڭ  قۇرىلۋ كۇنىمەن  سايكەس كەلىپ وتىر. پرەزيدەنتتىڭ قۇرعان بىرەگەي ينستيتۋتى قازاقستاندىق بىردەيلىك پەن   «ماڭگىلىك ەل» جالپىۇلتتىق  پاتريوتتىق يدەياسىنىڭ نەگىزى  بولدى.

قازىر قازاقستاندا ءبىر شاڭىراقتىڭ استىندا 100-دەن استام ەتنوس تاتۋ تۇرادى. «رەسپۋبليكا بويىنشا  وبلىسىمىز   ەڭ كوپ ۇلتتى ەكەنىنە ماقتان ەتەمىز. وبلىستىق قازاقستان حالقى اسسامبلەياسى جىلدان جىلعا  وبلىسىمىزدا بىرلىك پەن كەلىسىمدى ساقتاۋ ءۇشىن كوپ ەڭبەك ەتىپ ءجۇر»، - دەدى ەرىك سۇلتانوۆ.

سونىمەن قاتار، ءوڭىر باسشىسى اسسامبلەيا ارداگەرلەرىنىڭ، ەتنومادەني بىرلەستىكتەر  باسشىلارى مەن جاستاردىڭ ۇلتارالىق جانە كونفەسسياارالىق كەلىسىمدى نىعايتۋدا قوسقان ۇلەسىن اتاپ ءوتتى.

ءسابيت مۇقانوۆ اتىنداعى قازاق سازدى-دراما تەاترى. پەتپروپاۆل. العىس ايتۋ فورۋمى. 01.03.2017

فورۋم قازاقستان حالقى اسسامبلەياسىنىڭ شىعارماشىلىق ۇجىمدارىنىڭ ازىرلەگەن كونتسەرتتىك باعدارلاماسىمەن اياقتالدى.

تەاتر فويەسىندە «قايىرىمدى ەل» جالپىۇلتتىق اكتسياسى اياسىندا قايىرىمدىلىق جارمەڭكەسى ۇيىمداستىرىلدى.

“The Qazaq Times”