Äkimdiktegi jinalıs sätinen.

27 naurızda  Soltüstik Qazaqstan oblısı äkimi Qwmar Aqsaqalovtıñ törağalığımen ötken apparattıq keñeste birqatar mañızdı mäseleler qarastırıldı. Birinşi mäsele köktemgi su tasqınına baylanıstı boldı. Bwl turalı oblıstıq baspasöz qızmeti habarladı. 

Tötenşe jağdaylar jönindegi departament basşısı Pavel Filippovtıñ bayandaması boyınşa 24 naurızda   Işkister vice ministri YUriy Il'inSoltüstik Qazaqstan oblısına jwmıs saparı barısında  oblıs aumağında su tasqını boluı mümkinmekenderdi äueden baqılap, köktemgi su tasqınına baylanıstı dayındıqqa oñ bağasın berdi jäne birqatar eskertuler jasadı.

«Ülken Tarañğwl kölinen sudı sifondıq jolmen ağızu jwmısı jetkiliksiz deñgeyde jürgizilgen. Osı uaqıtqa deyin Çirikovka  auılı mañındağı su jinaytın kanaldı tazalau jwmıstarı jasalmağan», - dedi Pavel Filippov.

SQO-da 627 su jürgizu qwbırı bar, olardıñ 580-i tazalanğan. Audandıq mañızı bar avtokölik joldarında 879 qwbır nemese   98%-ı tazalanğan. Respublikalıq mañızı bar avtokölik joldarında 478 qwbır nemese 93%-ı tazalanğan.

Petropavlda 11,2 mıñ metr  aşıq jauın-şaşın suağarları tazalanğan.

Osı orayda öñir basşısı Qwmar Aqsaqalov  qala äkimi Marat Tasmağanbetovten jauın-şaşın suağarların tazalau boyınşa atqarılıp jatqan jwmıs turalı swrap bildi. Oblıstıq ortalıq  basşısınıñ aytuınşa 1 säuirge  deyin tolıq tazartıladı. «Bwdan basqa, üstimizdegi jılı Ekaterinburg qalasınan arnayı maşinanı jalğa alamız. Bügingi tañda Jambıl köşesindegi suağarlardı  tazalauğa kiristi. 1100 metr tazartıldı», -dedi Marat Tasmağanbetov.

Oblıs äkimi  Petropavl jäne audan äkimderine  tez arada  su jiberu qwrılıstarı men su ağızu kanaldarın tazalau jwmıstarın aptanıñ soñına deyin ayaqtaudı, eldi-mekenderden qar şığaru jwmıstarın eki auısımda wyımdastırudı, qauipti aumaqtarğa  inertti materialdardı, ıdıs-qaptardı, tehnikanı dayındap qoyudı  tapsırdı.

«Bizdiñ maqsatımız -  halıqtıñ qalıptı tirşiligin qamtamasız etu üşin barlığın jasau. Qardan tazartu, barlıq su ötkizu qwrılıstarın tazartu arqasında jol tösemi saqtaladı», - dedi Qwmar Aqsaqalov.

Bügingi tañda  jalpı alğanda oblıstıñ eldi-mekenderinen  996 mıñ tekşe mert qar şığarıldı.

Sonday-aq, keñeste oblıstıñ  äleumettik-ekonomikalıq damuı men eldi-mekenderdi abattandıru men sanitarlıq tazalau mäselesi qarastırıldı.

Oblıs  basşısınıñ oyınşa,  negizgi maqsat  jaña  käsiporındardı aşu men istep jatqan käsiporındardı keñeytu ayasında  jwmıs orındardı aşu.

Jaña jwmıs orındarın aşu – bwl äkimder jwmısınıñ  bastı körsetkişi. Bwl bağıtta jwmıs  Timiryazev, Mamlyut jäne Jambıl audandarında naşar jürgizilude.

Jinalısta industrialdı-innovaciyalıq  damu bağdarlaması da söz etildi. Oblıstıñ Esil, Mamlyut, Jambıl audandarında  bağdarlamanıñ ekinşi bes jıldığı boyınşa jobalar joq. Öñirde  2017 jılı 6 jobanı iske qosu josparlanğan.  Oblıs äkimi oblısqa investiciyalardı tartu boyınşa jağımdı jağday  jasau qajettigin atap ötti.

Keñeste auıl şaruaşılığı salası mäseleleri de qarastırıldı. Öñir basşısı dändi bwrşaqtı daqıldarın sebudi 1,5 esege nemese 89 mıñ gektardan 130 mıñ gektarğa deyin  arttıru maqsatın qoydı. «Üstimizdegi jılı  bizge auıl şaruaşılığı aynalımına 71 mıñ gektardan kem emes egistik jerdi tartıp, egistik jer qwramındağı  egis aynalımın 75-ten 80%-ğa deyin arttıru qajet», -dedi Qwmar Aqsaqalov.

Sonday-aq, oblıs äkimi  kezekti ret  oblıs ortalığı men aula mañayın  abattandıru men sanitarlıq tazalau mäselesine nazar audarıp, öñirdiñ ärbir azamatın bwl jwmısqa tartu qajettiligin atap ötti.

“The Qazaq Times”