«Er Jänibek» halıqaralıq qoğamdıq qorı, QR Jazuşılar odağı Ospan batırdıñ 120 jıldıq merey toyına arnalğan «Elim degen Er Ospan» attı jır müşäyrasına bäyge jariyaladı. 

 

Biıl XX ğasırdıñ alğaşqı jartısında Şığıs Türkistannıñ täuelsizdigi üşin küresken wlt azattıq qozğalısınıñ qolbasşısı Ospan batır  Silämwlınıñ (1899-1951) tuğanına 120 jıl toldı. Osığan oray «Er Jänibek» halıqaralıq qoğamdıq qorı, QR Jazuşılar odağımen birlesip, dañıqtı batırdıñ 120 jıldığına arnap halıqaralıq deñgeyde auqımdı şaralar wyımdastırıp otır. Sonıñ biri – «Elim degen Er Ospan» attı jır müşäyrası.

Bwl müşäyra Elbasınıñ «Ruhani jañğıru» bağdarlamasın nasihattau, el Täuelsizdigin wlıqtau, elim degen eren twlğalardı däripteu maqsatında wyımdastırılıp otır.

Müşäyrağa 40 jasqa deyingi aqındar qatısa aladı. Bwrın eş jerde jariyalanbağan eki öleñ qabıldanadı. Onıñ biri Ospan batırğa arnalğan, ekinşisi erkin taqırıpta boluı şart.

Är öleñ 15 şumaqtan aspauı kerek. A4 formatta komp'yuterde terip, bir danasın (elektrondı türde) wyımdastıruşılarğa joldaydı. Mekenjayı men telefonı jazıluıtiis.

Müşäyra jabıq türde ötedi. Ümitkerlerdiñ tuındıların arnayı qazılar alqası anıqtap, jüldegerlerdi belgileydi.

Wyımdastıru alqası müşäyrağa qatısuşılardıñ öleñderin üstimizdegi jıldıñ 15 şildege deyin qabıldaydı. Müşäyra jeñimparzarı qırküiek ayında marapattaladı.

Tapsırılğan öleñder qaytarılmaydı.

İ orın – bireu. 500 mıñ,

İİ orın – ekeu. 300 mıñnan

İİİ orın – üşeu. 200 mıñnan

Müşäyrada ıntalandıru sıylıqtarı da qarastırılğan.

Wyımdastıruşılar:

QR Jazuşılar odağı, «Er Jänibek» halıqaralıq qoğamdıq qorı.

Baylanıs:

E-mail: erjanibek.2007@gmail.com

Mob.: +7 707 7900097

"The Qazaq Times"