«ەر جانىبەك» حالىقارالىق قوعامدىق قورى، قر جازۋشىلار وداعى وسپان باتىردىڭ 120 جىلدىق مەرەي تويىنا ارنالعان «ەلىم دەگەن ەر وسپان» اتتى جىر ءمۇشايراسىنا بايگە جاريالادى. 

 

بيىل XX عاسىردىڭ العاشقى جارتىسىندا شىعىس تۇركىستاننىڭ تاۋەلسىزدىگى ءۇشىن كۇرەسكەن ۇلت ازاتتىق قوزعالىسىنىڭ قولباسشىسى وسپان باتىر  ءسىلامۇلىنىڭ (1899-1951) تۋعانىنا 120 جىل تولدى. وسىعان وراي «ەر جانىبەك» حالىقارالىق قوعامدىق قورى، قر جازۋشىلار وداعىمەن بىرلەسىپ، داڭىقتى باتىردىڭ 120 جىلدىعىنا ارناپ حالىقارالىق دەڭگەيدە اۋقىمدى شارالار ۇيىمداستىرىپ وتىر. سونىڭ ءبىرى – «ەلىم دەگەن ەر وسپان» اتتى جىر ءمۇشايراسى.

بۇل ءمۇشايرا ەلباسىنىڭ «رۋحاني جاڭعىرۋ» باعدارلاماسىن ناسيحاتتاۋ، ەل تاۋەلسىزدىگىن ۇلىقتاۋ، ەلىم دەگەن ەرەن تۇلعالاردى دارىپتەۋ ماقساتىندا ۇيىمداستىرىلىپ وتىر.

مۇشايراعا 40 جاسقا دەيىنگى اقىندار قاتىسا الادى. بۇرىن ەش جەردە جاريالانباعان ەكى ولەڭ قابىلدانادى. ونىڭ ءبىرى وسپان باتىرعا ارنالعان، ەكىنشىسى ەركىن تاقىرىپتا بولۋى شارت.

ءار ولەڭ 15 شۋماقتان اسپاۋى كەرەك. ا4 فورماتتا كومپيۋتەردە تەرىپ، بiر داناسىن (ەلەكتروندى تۇردە) ۇيىمداستىرۋشىلارعا جولدايدى. مەكەنجايى مەن تەلەفونى ءجازىلۋىتيىس.

ءمۇشايرا جابىق تۇردە وتەدى. ۇمىتكەرلەردىڭ تۋىندىلارىن ارنايى قازىلار القاسى انىقتاپ، جۇلدەگەرلەردى بەلگىلەيدى.

ۇيىمداستىرۋ القاسى مۇشايراعا قاتىسۋشىلاردىڭ ولەڭدەرىن ۇستىمىزدەگى جىلدىڭ 15 شىلدەگە دەيىن قابىلدايدى. ءمۇشايرا جەڭىمپارزارى قىركۇيەك ايىندا ماراپاتتالادى.

تاپسىرىلعان ولەڭدەر قايتارىلمايدى.

ءى ورىن – بىرەۋ. 500 مىڭ،

ءىى ورىن – ەكەۋ. 300 مىڭنان

ءىىى ورىن – ۇشەۋ. 200 مىڭنان

ءمۇشايرادا ىنتالاندىرۋ سىيلىقتارى دا قاراستىرىلعان.

ۇيىمداستىرۋشىلار:

قر جازۋشىلار وداعى، «ەر جانىبەك» حالىقارالىق قوعامدىق قورى.

بايلانىس:

E-mail: erjanibek.2007@gmail.com

Mob.: +7 707 7900097

"The Qazaq Times"