Foto: Zakon.kz

Ortalıq saylau komissiyası prezidenttikke ümitker kandidattardı tirkeudi merziminen bwrın ayaqtadı. Bwl jöninde OSK törağasınıñ orınbasarı Konstantin Petrov mälimdedi.

Mamır ayınıñ 6-ı küni Ortalıq saylau komissiyasına qwjattarın tapsırğan 7 ümitkerdiñ kandidaturası tirkelgen. Alğaşqılardıñ biri bolıp «Nwr Otan» partiyasınıñ ökili Qasım-Jomart Toqaev kandidat kuäligin alğan. Odan keyin «Wlı dala qırandarı» qozğalısınıñ ükilegen ümiti Sadıbek Tügel, Käsipodaqtar federaciyasınıñ ökili Amangeldi Taspihov, «Aq jol» partiyasınıñ kandidatı Daniya Espaev prezidenttikke ümitker kuäligin ielengen.

6 mamır küni OSK «Auıl» partiyasınıñ ökili Töleutay Raqımbekovtı, Qazaqstan kommunistik halıq partiyasınıñ ümitkeri Jambıl Ahmetbekovtı, «Wlt tağdırı» qozğalısınıñ kandidatı Ämirjan Qosanovtı prezidenttikke ümitker retinde tirkegen.

Mamır ayınıñ 2-i küni «Halıq demogarfiyası» birlestiginiñ ümitkeri Jwmatay Äliev qazaq tilinen emtihan tapsırıp, ötpey qalğan. Ortalıq saylau komissiyası Älievtıñ qazaq tilin jetik meñgermegendigin aytıp, onı qol jinau kezeñine ötkizbey tastağan.

Ümitkerlerdi tirkeu uaqıtı zañ boyınşa 11 mamır küni sağat 18:00-de ayaqtaluı tis bolğan. Däl osı uaqıttan bastap kandidattar saylau aldı ügit-nasihat jwmıstarın jürgizuge kirisedi.

Ayta ketetin bir jayt, prezidenttik saylauğa JSDP «Aqiqat» oppoziciyalıq partiyası 26 säuir küni ötken qwrıltayında baykot jariyalağan. Partiya atınan prezidenttikke wsınılğan Ermwrat Bapi «bwl jolğı saylaudıñ bwrınğı saylaulardan özgeşeligi joq» ekendigin aytıp, «saylauğa qatısatın kezekti quırşaq kandidattar arasında bolğısı kelmeytindigin» jetkizgen.

Qazaqstanda kezekten tıs prezident saylauı mausım ayınıñ 9-ı küni ötedi.

"The Qazaq Times"