Biıl jıl soñına deyin Özbekstan men Resey AES (Atom elektr stanciyasın) salu jöninde kelisimge kelui mümkin. Bwl jöninde "Özatom" agenttiginiñ bas direktorı Jurabek Mırzamahmudov habarladı.

"Bizde bwl bağıtta naqtılanğan jospar bar. Josparğa säykes kelisimge jıl soñına deyin qol qoyıladı", - dedi Mırzamahmudov.

Ötken aptada Reseydiñ sırtqı ister ministri Sergey Lavrov Özbekstanğa barıp, AES salatın orındı talqılağan. Biraq äli künge deyin qwrılıs ornı qwpiya saqtauda.

Jurabek Mırzamahmudovtıñ aytuınşa, AES-tiñ alğaşqı kezeñi 2028 jılı paydalanuğa beriledi, ekinşi kezeñi 2030 jılğa qaray salınıp bitpek.

"Bizdiñ boljamımız boyınşa Özbekstannıñ elektr energiyasın paydalanu qajettiligi sağatına 170 mlrd KVt-qa jetpek. AES bwl qajettiliktiñ 15-16 procentin qamtamasız etedi", - dep atap ötti "Özatom" basşısı.

2018 jıldıñ qazan ayında Şavkat Mirzieev pen Vladimir Putin Jızaqta simvolikalıq türde AES qwrılısın bastau tüymeşigin basqan.

Ayta ketetin bir jayt, Resey basşısı Vladimir Putin Qazaqstan prezidenti Qasım-Jomart Toqaevqa da el aumağına atom elektr stanciyasın salu jöninde wsınıs jasağan. Keyinnen bwl wsınıs qoğamda qızu talqılanıp, halıqtıñ basım köpşiligi qarsı şıqqan.

"The Qazaq Times"