بيىل جىل سوڭىنا دەيىن وزبەكستان مەن رەسەي اەس (اتوم ەلەكتر ستانتسياسىن) سالۋ جونىندە كەلىسىمگە كەلۋى مۇمكىن. بۇل جونىندە ء"وزاتوم" اگەنتتىگىنىڭ باس ديرەكتورى جۋرابەك مىرزاماحمۋدوۆ حابارلادى.

"بىزدە بۇل باعىتتا ناقتىلانعان جوسپار بار. جوسپارعا سايكەس كەلىسىمگە جىل سوڭىنا دەيىن قول قويىلادى", - دەدى مىرزاماحمۋدوۆ.

وتكەن اپتادا رەسەيدىڭ سىرتقى ىستەر ءمينيسترى سەرگەي لاۆروۆ وزبەكستانعا بارىپ، اەس سالاتىن ورىندى تالقىلاعان. بىراق ءالى كۇنگە دەيىن قۇرىلىس ورنى قۇپيا ساقتاۋدا.

جۋرابەك مىرزاماحمۋدوۆتىڭ ايتۋىنشا، اەس-ءتىڭ العاشقى كەزەڭى 2028 جىلى پايدالانۋعا بەرىلەدى، ەكىنشى كەزەڭى 2030 جىلعا قاراي سالىنىپ بىتپەك.

ء"بىزدىڭ بولجامىمىز بويىنشا وزبەكستاننىڭ ەلەكتر ەنەرگياسىن پايدالانۋ قاجەتتىلىگى ساعاتىنا 170 ملرد كۆت-قا جەتپەك. اەس بۇل قاجەتتىلىكتىڭ 15-16 پروتسەنتىن قامتاماسىز ەتەدى", - دەپ اتاپ ءوتتى ء"وزاتوم" باسشىسى.

2018 جىلدىڭ قازان ايىندا شاۆكات ميرزيەەۆ پەن ۆلاديمير پۋتين جىزاقتا سيمۆوليكالىق تۇردە اەس قۇرىلىسىن باستاۋ تۇيمەشىگىن باسقان.

ايتا كەتەتىن ءبىر جايت، رەسەي باسشىسى ۆلاديمير پۋتين قازاقستان پرەزيدەنتى قاسىم-جومارت توقاەۆقا دا ەل اۋماعىنا اتوم ەلەكتر ستانتسياسىن سالۋ جونىندە ۇسىنىس جاساعان. كەيىننەن بۇل ۇسىنىس قوعامدا قىزۋ تالقىلانىپ، حالىقتىڭ باسىم كوپشىلىگى قارسى شىققان.

"The Qazaq Times"