Ortalıq saylau komissiyası Qasım-Jomart Toqaevtı prezidenttikke ümitker retinde tirkedi.

«Mamır ayınıñ 3-i küni Qasım-Jomart Toqaevtıñ kandidaturası prezidenttikke ümitker retinde tirkeldi» - delingen Ortalıq saylau komissiyasınıñ baspasöz qızmeti taratqan mälimdemede.

OSK mälimetinşe, Qazaqstannıñ 17 öñirinen Toqaevtıñ kandidaturasın qoldağan 315 910 azamattıñ qolı jinalğan. Tekseru barısında olardıñ 313 653-i jaramdı dep tanılğan.

Qazaqstanda kezekten tıs prezident saylauı mausım ayınıñ 9-ı küni ötedi. Zañ boyınşa, ümitkerler saylauğa qatıspas bwrın 118 mıñ adamnıñ qolın jinauı tiis.

Bwdan bölek saylau zañına säykes, kandidattar kem degende bes jıl memlekettik qızmette isteui tiis jäne aqıl-esi dwrıs ekendigin däleldeu üşin medicinalıq baqılaudan ötui qajet.

"The Qazaq Times"