Ayşa Abdullina

1 naurız – Alğıs  aytu  küni, 8 naurız –  Halıqaralıq  äyelder  küni qarsañında Qazaqstan Teatrları associaciyasınıñ  wyımdastıruımen  5 naurızda  Qazaqstannıñ  halıq  ärtisi, «Qwrmet» belgisi, «Parasat» ordenderiniñ  iegeri, 100  jastağı   Ayşa  Abdullinanıñ  ömiri  men şığarmaşılığına   arnalğan  «Ğasır  kuägeri Ayşa anamızğa  mıñ alğıs!»  attı  mereytoylıq  keş ötedi. 

Teatr  öneriniñ   damuı  men  bolaşağın  örkendetu, teatr qayratkerlerine  qoldau  tanıtu  negizinde   2016 jılı  qwrılğan Qazaqstan teatrları associaciyası (QTA) jalpı teatrlarğa ortaq   anıqtalğan  negizgi  bağıttardı  jüzege asıru maqsatın wstanadı. Qazaqstan  teatrları  associaciyasınıñ  alğaşqı  jobalarınıñ  biri – 1 naurız – Alğıs aytu küni men 8 naurız – Halıqaralıq  äyelder meyramı qarsañında  körnekti  sahnager, Qazaqstannıñ halıq  artisi, «Parasat» «Qwrmet» ordeniniñ iegeri, 100 jastağı Ayşa Abdullinanıñ ömiri men şığarmaşılığına  arnalğan  mereytoylıq  keş wyımdastıru  bolıp  otır.

 A.Abdullina öner jolın  1933 jılı M.Äuezov atındağı qazaq drama  teatrında  bastağan. 1947 jıldan  bastap  alpıs bes jılğa juıq ömirin J.Şanin atındağı  Oñtüstik  Qazaqstan  drama  teatrınıñ sahnasında  ötkerdi. «Qız Jibekte» Qız Jibek, «Qozı Körpeş- Bayan swluda»  Bayan, «Qobılandıda»  Qwrtqa,  «Er Tarğında» Aqjünis,   «Asauğa-twsauda» Katarina, «Otelloda» Dezdemona, «Romeo-Djul'ettada» ledi Kapuletti, «Eki mırzağa bir qızmetşide» Beatriçe t.b. körkem rol'derimen körermen közayımına aynaldı. 200-den asa sübeli beyne jasağan aktrisa  14 ret Keñes Odağı medal'darımen marapattaldı,  1958 jılı Qazaq KSR halıq artisi qwrmetti atağın aldı.

A.Abdulina, teatr önerimen qatar  qoğamdıq jwmıstarğa da belsene atsalıstı.  Oñtüstik Qazaqstan oblıstıq keñesine jäne eki märte  Şımkent qalalıq keñesine deputattıqqa saylanıp, eki märte Elbasımız  N.Ä.Nazarbaevtıñ «Alğıs  hatımen» marapattalıp, 1996  jılı  Prezident  stipendiyasınıñ  iegeri atandı.

Teatr önerine ölşeusiz  eñbegi siñgen, el mädenieti üşin  adal qızmet etken 100 jastağı  Ayşa anamızdıñ önegeli öneri men parasattı ömir jolı öskeleñ   wrpaqqa  ülgi-önege  ekeni aqiqat.

Wlt maqtanışınıñ wlağattı ömirin nasihattau  «Ayşa Abdullina 100 jasta»  attı  mereytoylıq  keşti wyımdastıru  Qazaqstan  Teatrları  associaciyasınıñ  Qwrıltay s'ezinde  bekitilgen  Jarğı  negizindegi  bastı mindetterdiñ  biri.

Mereytoy, 5 naurız küni M.Äuezov  atındağı  Qazaq Memlekettik  akademiyalıq  drama  teatrınıñ Ülken zalında ötedi. Bastaluı: 18.30-da.

“The Qazaq Times”