Prem'era aptalığı: Äuezov teatrında «Oñ qol» sahnalandı

Mwhtar Äuezov atındağı Wlttıq drama teatrında prem'eralar aptalığı bastaldı. 18 aqpan Tölen Äbdiktiñ «Oñ qol» äñgimesiniñ jelisi boyınşa sahnalanğan horror drama alğaş ret körermen nazarına wsınıldı.

Qoyılımğa özek bolğan ideya – adam men qoğamdağı qayşılıqtıñ körinisi. Bastı keyipker Almanıñ tüsi arqılı adam sanasında üzdiksiz jürip jatqan procesti, ürey men qorqınıştı, ömir men ölim arasındağı arpalıstı, jan tolğanısın körkemdikpen jetkize bildi.

Bastı keyipker Alma men däriger jigit

YAğni Alma beynesi – sol kezeñniñ, zamannıñ, yağni swlulıq, izgilik, üylesimdilik sekildi qasiet-qwbılıstardı özine qajetsiz dep tanıp, denesinen sığıp tastağan qoğamnıñ, örkeniettiñ özin-özi twnşıqtıruı.  Al qoyılımğa jinalğan körermenniñ sahnadağı keyipkerlermen birge quanıp, birge qayğıruı – şığarma syujetin berudegi şeberlik.

Bastı röldegi däriger jigittiñ rölin Ş.Pirnazarov, K.Beisagaliev, Alma – I.Meñdibaeva, Z. Rahımjan jäne qariyanı A.Seytmetov somdadı.

Qoyılımnıñ qoyuşı-rejisseri – A.Şaripov, qoyuşı-suretşi – Q.Tüstikbaev, horeograf – G.Muhamedjanova.

Teatr wjımınıñ üylesimdi eñbegi bwl tuındığa jañaşa dem berip, körermenderdiñ ıstıq ıqılasına bölendi.

"The Qazaq Times"