Auıldar men audandardı dini mamandarmen qanımdau turalı Dini basqarmanıñ alğa qoyğan maqsattarı ayasında QMDB-nıñ Öskemen aymağı ökildigi ötken jıldıñ qazan ayınan bastap meşit janınan arnaulı 2 aylıq kurs aşqan bolatın. Oğan är audandardağı imamdıqqa beyimi bar zamattar jinap, oqıtıp, sertifikat berip, imamı joq meşitterge qızmetke jiberilgen edi. Bwl turalı «Halifa Altay» meşitiniñ baspasöz qızmeti habarladı. 

Osı oqu kursınıñ 2 aylıq ekinşi mausımında oqığan şäkirtter oquların ayaqtadı. .  Aldımen olardan bilikti wstazdardan qwralğan top

2 ayda igergen bilimderinen emtihan alıp, meñgergen bilim deñgeylerin bağaladı. Şäkirtter sınaqtı üzdik tapsırdı.

Olarğa qasietti jwma küni jamağat aldında Öskemen aymağınıñ ökil imamı sertifikattarın ülestirdi. Imamdıqqa beyimi bar azamattardıñ bwl jolğı oqu mausımın oblıstıñ 11 audanınan 40-tan astam şäkirt bitirip şıqtı. Olarğa jergilikti bilikti wstazdarmen qatar Mısır Arab elinen, Türkiya memleketinen arnayı wstazdar şaqırılıp, däris berdi.

«Halıqtıñ dini sauattılığın artıru üşin jäne imamı joq meşitterdi imamdarmen qamtu maqsatında oblıstıq meşitten arnaulı 2 aylıq kurs wyımdastırğamız. Alğaşqı kurs Jeltoqsan ayında bitirgen bolatın. Bügin 2-aylıq  oqıtudıñ 2-kezeñi oquların tabıstı ayaqtap otır. Bwl şara alda da jalğasın tabadı.. Biz audandardan kelgen şäkirtteri meşitte jatar orınmen, as-sumen qanımdap otırmız. Öñirde dini mamandar tapşılığın joyu bağıtın wstanıp otırmız» dep atap ötti ökil imam jamağat aldında.

Sonımen qatar ol şäkirtterge sättilik tilep, dwğa jasadı.

Oblıstıq meşitte 2 ay oqıp, sapalı bilim alıp şıqqan şäkirtter meşit wjımına, wstazdar qauımına alğıstarın ayttı.

«Halifa Altay» meşiti endi 2 aylıqtıñ kelesi kezeñine audandardan şäkirtter qabıldap jatır..

«The Qazaq Times»