اۋىلدار مەن اۋدانداردى ءدىني ماماندارمەن قانىمداۋ تۋرالى ءدىني باسقارمانىڭ العا قويعان ماقساتتارى اياسىندا قمدب-نىڭ وسكەمەن ايماعى وكىلدىگى وتكەن جىلدىڭ قازان ايىنان باستاپ مەشىت جانىنان ارناۋلى 2 ايلىق كۋرس اشقان بولاتىن. وعان ءار اۋداندارداعى يمامدىققا بەيىمى بار زاماتتار جيناپ، وقىتىپ، سەرتيفيكات بەرىپ، يمامى جوق مەشىتتەرگە قىزمەتكە جىبەرىلگەن ەدى. بۇل تۋرالى «حاليفا التاي» مەشىتىنىڭ ءباسپاسوز قىزمەتى حابارلادى. 

وسى وقۋ كۋرسىنىڭ 2 ايلىق ەكىنشى ماۋسىمىندا وقىعان شاكىرتتەر وقۋلارىن اياقتادى. .  الدىمەن ولاردان بىلىكتى ۇستازداردان قۇرالعان توپ

2 ايدا يگەرگەن بىلىمدەرىنەن ەمتيحان الىپ، مەڭگەرگەن ءبىلىم دەڭگەيلەرىن باعالادى. شاكىرتتەر سىناقتى ۇزدىك تاپسىردى.

ولارعا قاسيەتتى جۇما كۇنى جاماعات الدىندا وسكەمەن ايماعىنىڭ وكىل يمامى سەرتيفيكاتتارىن ۇلەستىردى. يمامدىققا بەيىمى بار ازاماتتاردىڭ بۇل جولعى وقۋ ماۋسىمىن وبلىستىڭ 11 اۋدانىنان 40-تان استام شاكىرت ءبىتىرىپ شىقتى. ولارعا جەرگىلىكتى بىلىكتى ۇستازدارمەن قاتار مىسىر اراب ەلىنەن، تۇركيا مەملەكەتىنەن ارنايى ۇستازدار شاقىرىلىپ، ءدارىس بەردى.

«حالىقتىڭ ءدىني ساۋاتتىلىعىن ارتىرۋ ءۇشىن جانە يمامى جوق مەشىتتەردى يمامدارمەن قامتۋ ماقساتىندا وبلىستىق مەشىتتەن ارناۋلى 2 ايلىق كۋرس ۇيىمداستىرعامىز. العاشقى كۋرس جەلتوقسان ايىندا بىتىرگەن بولاتىن. بۇگىن 2-ايلىق  وقىتۋدىڭ 2-كەزەڭى وقۋلارىن تابىستى اياقتاپ وتىر. بۇل شارا الدا دا جالعاسىن تابادى.. ءبىز اۋدانداردان كەلگەن شاكىرتتەرى مەشىتتە جاتار ورىنمەن، اس-سۋمەن قانىمداپ وتىرمىز. وڭىردە ءدىني ماماندار تاپشىلىعىن جويۋ باعىتىن ۇستانىپ وتىرمىز» دەپ اتاپ ءوتتى وكىل يمام جاماعات الدىندا.

سونىمەن قاتار ول شاكىرتتەرگە ساتتىلىك تىلەپ، دۇعا جاسادى.

وبلىستىق مەشىتتە 2 اي وقىپ، ساپالى ءبىلىم الىپ شىققان شاكىرتتەر مەشىت ۇجىمىنا، ۇستازدار قاۋىمىنا العىستارىن ايتتى.

«حاليفا التاي» مەشىتى ەندى 2 ايلىقتىڭ كەلەسى كەزەڭىنە اۋدانداردان شاكىرتتەر قابىلداپ جاتىر..

«The Qazaq Times»