Foto: Uznayvse.ru

Täjikstan prezidenti Emomali Rahmon Qauipsizdik Keñesi hatşısı Abdurahim Kahharovtı qızmetinen alıp tastadı.

Jerogilikti BAQ ökilderiniñ mälimetinşe, Rahmon Kahharovtı zeynetke şığuına baylanıstı otstavkağa jibergen. Onıñ ornına Mahmadali Vatanzodanı tağayındağan. Vatanzoda bwğan deyin prezidenttiñ parlamenttegi senimdi ökili qızmetin atqarğan.

Bwdan bölek Rahmon öziniñ Wlttıq Qauipsizdik boyınşa kömekşisi Şerali Hayrullaevtı, prezident hatşılığınıñ ağa kömekşisi Matlubhon Davlatovtı da otstavkağa jibergen.

Jalpı, Täjikstanda kadrlıq auıs-tüyister jıl basınan beri jürude. Aqpan ayında prezident jarlığı boyınşa, birqatar vedomstva basşıları men ärtürli deñgeydegi bas prokuratura qızmetkerleri otstavkağa jiberilgen.

Osı twsta ayta ketetin bir jayt, Qazaqstanda da jıl basınan beri «Astana jaqta auıs-tüyistiñ añızaq jeli soğıp twr». Aqpan ayınıñ ayağında prezident Nazarbaevtıñ şeşimi boyınşa Sağıntaev ükimeti otstavkağa ketip, onıñ ornına Mämin ükimet keldi. Wlttıq Bankten bastap, birneşe oblıstıñ äkimderine deyin auıstı. Halıq arasında ükimettiñ osınşa qısqa uaqıt arasında auısuına «köp balalı analar men jwmıssız jastardıñ qarsılıq akciyalar sebep boldı» degen boljam bar.

"The Qazaq Times"