فوتو: Uznayvse.ru

تاجىكستان پرەزيدەنتى ەمومالي راحمون قاۋىپسىزدىك كەڭەسى حاتشىسى ابدۋراحيم كاححاروۆتى قىزمەتىنەن الىپ تاستادى.

جەروگىلىكتى باق وكىلدەرىنىڭ مالىمەتىنشە، راحمون كاححاروۆتى زەينەتكە شىعۋىنا بايلانىستى وتستاۆكاعا جىبەرگەن. ونىڭ ورنىنا ماحمادالي ۆاتانزودانى تاعايىنداعان. ۆاتانزودا بۇعان دەيىن پرەزيدەنتتىڭ پارلامەنتتەگى سەنىمدى وكىلى قىزمەتىن اتقارعان.

بۇدان بولەك راحمون ءوزىنىڭ ۇلتتىق قاۋىپسىزدىك بويىنشا كومەكشىسى شەرالي حايرۋللاەۆتى، پرەزيدەنت حاتشىلىعىنىڭ اعا كومەكشىسى ماتلۋبحون داۆلاتوۆتى دا وتستاۆكاعا جىبەرگەن.

جالپى، تاجىكستاندا كادرلىق اۋىس-تۇيىستەر جىل باسىنان بەرى جۇرۋدە. اقپان ايىندا پرەزيدەنت جارلىعى بويىنشا، بىرقاتار ۆەدومستۆا باسشىلارى مەن ءارتۇرلى دەڭگەيدەگى باس پروكۋراتۋرا قىزمەتكەرلەرى وتستاۆكاعا جىبەرىلگەن.

وسى تۇستا ايتا كەتەتىن ءبىر جايت، قازاقستاندا دا جىل باسىنان بەرى «استانا جاقتا اۋىس-ءتۇيىستىڭ اڭىزاق جەلى سوعىپ تۇر». اقپان ايىنىڭ اياعىندا پرەزيدەنت نازارباەۆتىڭ شەشىمى بويىنشا ساعىنتاەۆ ۇكىمەتى وتستاۆكاعا كەتىپ، ونىڭ ورنىنا ءمامين ۇكىمەت كەلدى. ۇلتتىق بانكتەن باستاپ، بىرنەشە وبلىستىڭ اكىمدەرىنە دەيىن اۋىستى. حالىق اراسىندا ۇكىمەتتىڭ وسىنشا قىسقا ۋاقىت اراسىندا اۋىسۋىنا «كوپ بالالى انالار مەن جۇمىسسىز جاستاردىڭ قارسىلىق اكتسيالار سەبەپ بولدى» دەگەن بولجام بار.

"The Qazaq Times"