Mwrat Bektanovtı zañsız bwyrıq berip, äskeri strategiyalıq nısandardı qorğausız qaldırdı dep ayıptadı

Bwl aqparattı eldiñ bas prokurorı Berik Asılov 5 qañtarda mäjiliste Qañtar qantögisine qatıstı swraqtarğa jauap beru kezinde ayttı.

Qañtar qantögisi kezinde keminde 238 adam qaza bolğan. 19-ı - küştik qwrılım ökili. Marqwmdardıñ tizimin qwrastırğan qwqıq qorğauşılar men belsendilerdiñ aytuınşa, qaza bolğandardıñ basım böligi – qaruı joq eşqanday agressiya körsetpegen qarapayım adamdar.

Qazir Bektanov tergeu abaqtısında otır. Oğan äskeri jağdayda biligin asıra paydalandı degen ayıp tağılğan.

Bas prokuror 5 qañtar küngi mäjilistegi Qañtar tıñdauı kezinde 238 adamnıñ 151-i – Almatıda qaza bolğanın ayttı. Ol 238 adamnıñ 142-sin "tötenşe jağday rejimin bwzğandar" dep atadı. Marqwmdardıñ 67-ine "jappay tärtipsizdik" babı boyınşa ayıp tağılğan. 4 adam "basqa da qılmıs jasau kezinde ölgen".

"Eñ köp adam - 151 adam Almatı qalasında qaza bolğan. Köbi prezident rezidenciyasına şabuıl kezinde [ölgen]. Osığan wqsas adam ölimi Qızılorda, Şımkent jäne Tarazda boldı" dedi bas prokuror.

Asılovtıñ aytuınşa, Qañtar oqiğası boyınşa 5300 qılmıstıq is qozğalğan. Basım böligin (adam ölimi, wrlıq-qarlıq, qaru-jaraq wrlau t.b) İİM tergegen. Bas prokuratura jappay tärtipsizdik, terrorizm, azaptauğa qatıstı 720 qılmıstıq isti tergegen. Onıñ aytuınşa, osı ister ayasında "tıyım salınğan ekstremistik toptıñ 25 müşesi", "wyımdasqan qılmıstıq toptardıñ 42 müşesi" wstalğan. Odan bölek, "küdiktiler arasında destruktivti dini ağımnıñ 8 jaqtauşısı bar" dedi Asılov.

Onıñ aytuınşa, jappay tärtipsizdik boyınşa küdikke ilingender arasında Resey, Özbekstan, Qırğızstan, Täjikstan azamattarı bar.

Sarapşılar keminde 238 adamnıñ ömirin Qañtar qantögisinen beri bir jıl ötse de, Qañtardıñ negizgi swraqtarına jauap tabılmadı dep sanaydı. Qwqıq qorğauşılar adam ölimi boyınşa qılmıstıq isterdiñ basım böligi toqtatılğanın, azaptau şağımdarınıñ basım böliginiñ qaralmağanın aytadı. Resmi Astana Qañtardı halıqaralıq tergeu turalı wsınıstan bas tartqan.