Foto: QT

Bügin Almatı qalasında bir top belsendi "Nwr Otan" partiyası ğimaratınıñ aldında narazılıq akciyasın ötkizdi.

Astana qalasında «Nwr Otan» partiyasınıñ kezekti qwrıltayı bastalğan uaqıtta Almatıdağı «Nwr Otan» ğimaratınıñ aldında bir top belsendi öz narazılıqtarın bildirdi. Narazılıq akciyasına qatısqan belsendilerdiñ biri, köp balalı ana Dariğa Abajanova öziniñ bwl şarağa ne üşin qatısqandığın bılay dep tüsindiredi:

«Bağana bizdi iterip, jwlqılap maşinağa salıp alıp ketti. Biz bilikke ökpemizdi aytqımız keldi... Mağan eşnärseniñ keregi joq. Mağan Nazarbaevtıñ ketkeni jaqsı, biliktiñ özgergeni jaqsı»

Narazı toptıñ talaptarın tıñdauğa şıqqan Almalı audanınıñ äkimi Bekqali Torğaevtıñ sözinşe, «Nwr Otan» partiyası ğimaratınıñ aldına jinalğan halıqtıñ miting ötkizui zañsız. Sebebi olar şahar basşılığınan şeru ötkizuge baylanıstı rwqsat almağan.

«Men osı jerde twrğanda resmi türde eskertu jasadım. Öytkeni bizdiñ özimizdiñ qoldanıstağı zañnamağa baylanıstı, bwlar osınday şeru, jinalıs nemese demonstraciya ötkizu üşin olar mindetti türde zañ boyınşa ötiniş jazuı kerek... Eger qabıldauğa kelse men dayınmın. Al sırttağı şara zañsız bolğandıqtan men olarğa eskertu jasadım. Arı qaray qwqıq qorğau organdarınıñ isi...» - dep mälimdedi Torğaev mırza jurnalister saualına bergen jauabında.

Mitingige qatısqan belsendi Ergeş Esmırza özin WQK qızmetkerleriniñ nwsqauımen wstap alıp ketkendigin jäne policiya bölimşesinen şıqqannan keyin, «Nwr Otan» partiyasına qaytıp kelmek bolğan birneşe adamdı tärtip saqşıları ekinşi märte wstağandığın ayttı.

"The Qazaq Times"