Foto ğalamtordan (uakix.com) alındı. Mätinge qatısı joq.

Belgili qazaq-sovet ğalımı, epidemiolog, medicina ğılımdarınıñ doktorı, Işanbay Qaraqwlovtıñ äyeliniñ wltı orıs eken. Sonısınan da bolar, keyde Işağañdı dükenge jwmsap, nan, süt äkeluge jiberetin körinedi.

Ol kezde magazinderde ülken äynek qorapşalardağı suğa salınğan, tiri balıqtardı satuşı edi. Bir küni ağamız balıq almaqşı bolıp, dükenge kiredi. Satuşı balıqtıñ bireuin sudan alıp şığıp, tulatqan küyi ölşep jatsa Qaraqwlov:

– Dayte mne svejuyu rıbu, – depti.

Anau tañğalıp:

– Vı çto, izdevaetes', eto je jivaya rıba, – deydi.

Sonda Işağañ aspay-saspay:

– Moya jena toje jivaya, no ona ne sovsem svejaya, – depti.

Tağı bir jayt – Qaraqwlovtıñ ülken wlı da orıs qızına üylenipti. Tek eñ kenjesi ğana qazaq qızın alğan. Kenje balasınıñ toyı ötip jatqanda Işanbay jwrt aldında söylep twrıp balasına riza bolıp, «Jaraysıñ balam, jaqsı kelin tüsirdiñ, qwdalar da inabattı adamdar. Al, eñ bastısı sen meniñ jas kezimde basqa wltqı üylengen qateligimdi qartayğanımda tüzetip, qazaq qızına üylendiñ, rahmet sağan!» degen eken. Qaljıñ-şının aralastırıp, öziniñ basqa wlttan äyel alğanına köñili tolmaytının bildirgeni siyaqtı. Iä, ayta berse ol kisiniñ basqa da qızıqtarı köp...

"The Qazaq Times"