ورىس ايەل العانىنا وكىنگەن قازاق عالىمى

بەلگىلى قازاق-سوۆەت عالىمى، ەپيدەميولوگ، مەديتسينا عىلىمدارىنىڭ دوكتورى، يشانباي قاراقۇلوۆتىڭ ايەلىنىڭ ۇلتى ورىس ەكەن. سونىسىنان دا بولار، كەيدە يشاعاڭدى دۇكەنگە جۇمساپ، نان، ءسۇت اكەلۋگە جىبەرەتىن كورىنەدى.

ول كەزدە ماگازيندەردە ۇلكەن اينەك قوراپشالارداعى سۋعا سالىنعان، ءتىرى بالىقتاردى ساتۋشى ەدى. ءبىر كۇنى اعامىز بالىق الماقشى بولىپ، دۇكەنگە كىرەدى. ساتۋشى بالىقتىڭ بىرەۋىن سۋدان الىپ شىعىپ، تۋلاتقان كۇيى ولشەپ جاتسا قاراقۇلوۆ:

– دايتە منە سۆەجۋيۋ رىبۋ، – دەپتى.

اناۋ تاڭعالىپ:

– ۆى چتو، يزدەۆاەتەس، ەتو جە جيۆايا رىبا، – دەيدى.

سوندا يشاعاڭ اسپاي-ساسپاي:

– مويا جەنا توجە جيۆايا، نو ونا نە سوۆسەم سۆەجايا، – دەپتى.

تاعى ءبىر جايت – قاراقۇلوۆتىڭ ۇلكەن ۇلى دا ورىس قىزىنا ۇيلەنىپتى. تەك ەڭ كەنجەسى عانا قازاق قىزىن العان. كەنجە بالاسىنىڭ تويى ءوتىپ جاتقاندا يشانباي جۇرت الدىندا سويلەپ تۇرىپ بالاسىنا ريزا بولىپ، «جارايسىڭ بالام، جاقسى كەلىن ءتۇسىردىڭ، قۇدالار دا يناباتتى ادامدار. ال، ەڭ باستىسى سەن مەنىڭ جاس كەزىمدە باسقا ۇلتقى ۇيلەنگەن قاتەلىگىمدى قارتايعانىمدا تۇزەتىپ، قازاق قىزىنا ۇيلەندىڭ، راحمەت ساعان!» دەگەن ەكەن. قالجىڭ-شىنىن ارالاستىرىپ، ءوزىنىڭ باسقا ۇلتتان ايەل العانىنا كوڭىلى تولمايتىنىن بىلدىرگەنى سياقتى. ءيا، ايتا بەرسە ول كىسىنىڭ باسقا دا قىزىقتارى كوپ...

"The Qazaq Times"