Qıtay dästürli medicinanı virusqa qarsı paydalanuğa jol berdi. Foto: CGTN,

Koronavirus jäne onıñ qaupi anıqtalğannan keyin virus jwqtırğandardıñ arasında jazılıp şıqqandar sanı 50 mıñnan astı, al soñğı 14 künde jazılıp şıqqandar sanı virus jwqtırğandar sanınan köp ekeni turalı mälimetter jariya boldı. Degenmen, älem boyınşa densaulıq saqtau mamandarı virusqa tikeley qarsı twra alatın vakcinanı äli taba alğan joq.

Mälimetterge qarağanda koronavirusqa qarsı preparattardıñ birneşe nwsqası bar, biraq olar äli tolıq dälelden ötken joq. Bwl üşin äli de birneşe ay uaqıt saraptaudan ötui kerek. AQŞ jäne özge elderdiñ birqatar vakcina öndiruşi alıptarı tolassız zertteu jwmıstarın jürgizip jatır, solay da olardan jağımdı jañalıq joq.

Därilerdi aurularğa sınap köru säuir ayınıñ bas şeninde bastalmaq. Onıñ önimdiligi odan keyin tağı birneşe ay sınalatın boladı. Demek, bwl dertti tolıq tizgindeytin vakcinanıñ dayın boluına äli de köp uaqıttıñ bar ekenin körsetedi. Habarlarğa sensek, zertteu nätijeleri jıl soñında belgili boluı mümkin.

Qazirge deyin virus jwqtırğan nauqastardı emdeu şaralarına arnalğan preparattar tek virustıñ saldarımen ğana küresip jatqanı belgili. Jaña koronavirustıñ belgileri bwğan deyin de belgili bolğan qauipti koronaviruspen qattı parıqtı bolmaytını da oğan qarsı twru şaralarına qiındıq tuğızuda. Tipti, jaña virustıñ belgileri sasıq tımau men kädimgi tımaudan köp parıqtı bola bermeydi. Tek, uaqıt öte kele salmağı anıq boladı.

Auru oşağı jäne eñ köp qaza bolğandar tirkelgen Qıtayda jaña däri-därmektermen qosa Qıtaydıñ dästürli emşiligi de qatar qoldanılıp jatır. Sol eldiñ Ğılım-bilim ministrligi virusqa qarsı dästürli emşilikti qoldanuğa rwqsat bergen. Eldiñ aqparat qwraldarında dästürli emşilik arqılı da aurudı emdep jatqan jağdaylardıñ bar ekenin jazuda.

“The Qazaq Times”