Foto: telegraf.com

Jambıl oblısında äskeri jattığu kezinde qar köşkini jürip, jeti adam qaza taptı, - dep habarlaydı Tengrinews.kz tilşisi QR İİM-niñ Tötenşe jağdaylar departamentiniñ resmi ökili Ruslan Imanqwlovqa silteme jasap. 

QR İİM-niñ tötenşe jağdaylar departamentiniñ resmi ökili Ruslan Imanqwlovtıñ mälimetinşe qazirgi uaqıtta 10 äskeri qızmetker qwtqarılğan. "Qazirgi uaqıtta 91678 äskeri böliminiñ qızmetkerleri men jedel järdem qızmetiniñ (barlığı 60 adam) oqiğa ornında izdestiru-qwtqaru jwmıstarı jürgizilip jatır. Tağı 75 adam, yağni qwtqaru qızmetiniñ jeke qwramı jäne jeti arnayı tehnika Taraz qalasınan jöneltilgen. Qar köşkini saldarınan qaza tapqan jeti adamnıñ mäyiti tabılğan", - dedi ol.

Eske salayıq, Jambıl oblısında Köksay şatqalında 91678 äskeri böliminiñ josparlı äskeri dayındıq barısında oylamağan jerden qar köşkini jürdi. "QR İİM-niñ Tötenşe jağdaylar komitetimen birlese otırıp, izdestiru-qwtqaru jwmıstarı jürgizilip jatır. "Oñtüstik" öñirlik basqarmasında qolbasşınıñ basşılığımen jedel ştab qwrılğan. Osı oqiğağa baylanıstı istelgen şara jayında keyinirek tolıqtırıp habarlanatın boladı", - dedi vedomstvodağılar.

“The Qazaq Times”