Qorğanıs minisrligi: Däuitbaev äli izdestirilip jatır. DNQ taldauınıñ qorıtındısın kütip otırmız

Jarılıs bolğan küni sol kezdegi qorğanıs ministri Nwrlan Ermekbaevpen kelgen vedomtsvonıñ bas inspekciya basqarması basşısı  Jwmabek Hasenov QT redakciyasınıñ tilşisine äli tabılmay jatqan äskeri qızmetker Bauırjan Däuitbaevtı izdestiru jalğasıp jatqanın habarlap, jwmıs barısın aytıp berdi.

Jarılıs kezinde oqiğa ornında bolğan 33 jastağı Bauırjan  Däuitbaevtan on künnen beri habar joq. Äskeri bölimniñ örtke qarsı qwtqaru bölimşesi basşısı qızmetin atqarğan kişi serjanttı izdeuge qarulı küşter, TJ, äkimdik, eriktiler men audan twrğındarı küş biriktirgen.

«İzdestiru jwmısına 55 auır jäne arnayı tehnika, 300-den asa oficer men jauınger, 93 saper, 10 kinolog maman men iisşil it jwmıldırılğan. Üş birdey asa sezimtal wşqışsız basqarılatın apparat arqılı  100 şaqtı şaqırım aumaq baqılanıp jatır. Ata-anası men tuıstarınıñ swrauımen äskeri bölimnen 10-15 şaqırım radiusta tau jaqta 10 attı parul' qarap jatır. Kim biledi kontuziya alğan soñ ketip qaldı ma degen oymen tau jotası, Rısqwlov, Merki audandarındağı äskeri bölimder de izdeude», – deydi Qorğanıs ministrliginiñ resmi ökili Jwmabek Hasenov.

Qorğanıs ministrliginiñ bas inspekciya basqarması basşısı Jwmabek Hasenov. Foto-skrin: 31 arna / Informbyuro jañalıqtar bağdarlaması

Onıñ aytuınşa, jauaptılar Däuitbaevtı äskeri bölim aumağınan tabılarına senimdi. Resmi boljamğa qarağanda, jauıngerdiñ sırtqa şığıp, wzay qoyuı ekitalay. Hasenov izdeu barınşa qarqındı jürip jatqanına sendiruge tırısıp baqtı.

 – Tañğı sağat 7.00 men keşki 20.00 aralığında izdeu jwmısı üzilissiz kündelikti jürude. Prezident pen ministr tapsırması boyınşa äri azamattıq-qızmettik parızımızğa say, qalay bolğanday da Bauırjan Däuitbaev tabuımız qajet. Äskeri bölimde ekskavator, traktordıñ küşimen töbe-töbe bop üyilgen topıraqtı köterip-auıstırıp jatırmız. Jinalğan su qoyındısın sorıp-tekserudemiz. Joğalğan azmattıñ tuıstarı qasımızda. Jergilikti halıqqa mıñ da bir raqmet, äskeri bölim sırtında kölik, motocikl, attısı bar bäri birigip izdesuge atsalısıp jür, – deydi ol.

Ministrlik ökili Bauırjandı körgen boluı mümkin degen türli aqparatqa uaqtılı reakciya bildirip, izdeu jwmısın keñeytip, dereu tekserip jatqanın jetkizdi. Sonday habardıñ biri, malşı tau şatqalınan köripti degen mälimet. Bwl jöninde Hasenov «qaueset-jalğan» ekenine köz jetkizgenin ayttı.

«Bwl habar şıqqan boyda komandirdiñ tärbie jönindegi orınbasarı podpolkovnik  Ruslan Jükebaev 2 kölikpen barıp qayttı. Qoyşını tauıp, tildesti. Söytse malşı işimdik işip, masañ küyde taratqan negizsiz söz bolıp şıqtı. Sol mañayda ayaq kiimniñ izin tekserip kördik. Jigittiñ qızmettik ayaq kiimi men ölşemine säykespeydi. Lugovoy auıldıq okruginde de osınday  aqparat  aytıldı. Sondağı äskeri bölimniñ mamandarı barıp, män-jağdaydı anıqtadı. Küdikti baspanasız maskünem adam eken. Däuitbaevqa eş qatısı joq. Mwnday qauesetter az emes», – dedi.

Jambıl oblısında jarılğan äskeri bölimge öter joldağı postta jwrt jaqınınan habar tosıp twr. Oqiğa ornın tazartu jäne joğalğan qızmetkerdi izdeu jwmısı äli jalğasıp jatır. Foto: QT / Kültegin Aspanwlı

Sonday-aq, äskeri izdeuge qosa tuıstarı ümit közin izdep köripkelderdiñ kömegine jügingen körinedi. İzdeu şarasınıñ barısın bayandauğa jauaptı Jwmabek Hasenov «mamandar tipti säuegey-köripkelderdiñ aytqan jerin qazıp-qarap jatır» dedi.

«Köp aqparattı ayta almaymın. Bizde basqa da nwsqalar bar. Qayğırıp otırğan kezde mwnıñ bärin aytu auır. Sonıñ biri, aumaqta adam denesiniñ key bölşekteri tabıldı, sonı DNQ saraptamasına joldadıq. Zerthana taldauınıñ qorıtındısın tosıp otırmız», – dep sözin tolıqtırdı basqarma basşısı Hasenov.

Däuitbaev pen Ädilbektiñ tuıstarına izdestiru jwmısınıñ barısı jaylı bayandap, äskeri bölimge qayta ketip bara jatqan ministrlik ökili Jwmabek Hasenov. 30 tamız 2021 jıl. Jambıl oblısı, bayzaq audanı. Foto: QT/ Kültegin Aspanwlı

Habar-oşarsız ketkenine on künge juıqtağan Bauırjan Däuitbaevtıñ tört perzenti bar jäne joldasınıñ ayağı auır. №28349 äskeri bölimniñ mañayınan bauırın auıl twrğındarımen birge izdegen Erbol Däuitbaev jäne onıñ tuıstarı blok-bekettiñ auzında künde habar tosıp otır. Olar qattı jarılıstan esin joğaltıp tau-tas arasın bassauğalap, adasıp ketken boluı mümkin dep ümittenedi.

26 tamızda Jambıl oblısı Bayzaq audanındağı äskeri bölimde bolğan joyqın jarılıstan 113 oq-däri qoymasınıñ tek üşeui bütin qalğan. Tek qorğanıs nısanı ğana emes, äskeri bölimniñ tübinde ornalasqan Qaynar auılı men jaqın mañaydağı özge eldi mekenderden 106 twrğın üy, qoğamdıq orın sanalatın 18 ğimarat bülingen.

Eki jıldıñ işinde ekinşi märte qaytalanğan apattan 15 adam qaza tapqan, jüz şaqtı adam türli deñgeyde jaralanğan. Oqiğa küni mıñdağan twrğın bosıp, evakuaciyalanuğa mäjbür boldı.

The Qazaq Times