foto: aa.com.tr

M'yanma teñiz äskerileri Arakan ştatınan qaşqan 93 mwsılman azamatı bar kemeni toqtattı. Bwl turalı Kyodo habarlap otır.

Bok aralınıñ soltüstik-batısınan 9 şaqırım jerde wstalğan kemedegi jolauşılardıñ 32-i balalar. Kater kapitanınıñ mälimeti boyınşa, Sittveden qazan ayında şıqqan keme Malayziyağa jol tartqan. Alayda, orta jolda bağıtınan jañılısqan.

Esteriñizge sala keteyik, M'yanma biligi bwğan deyin de bortında 60 arakandıq qaşqını bar kemeni Darpin audanınan wstağandığın habarlağan bolatın.  Sonımen birge 16 qaraşa küni YAngona jağalauınan qauipsizdik küşteri bortında 100-den astam jolauşısı bar tağı bir kemeni qwrıqtağanın mälimdegen.

1970 jıldan bastam rohin'ya-mwsılmandarına qauip tönip, etnikalıq tazalauğa ilikken bolatın. Sol uaqıttan beri eki millionğa juıq twrğın körşi elderden pana tapsa, Bangladeşke qaray bet bwrğandardıñ 700 mıñnan astam qırğınğa wşırağan.

“The Qazaq Times”