Bwdan 2 jıl bwrın 700 mıñnan astam rohinja mwsılmandarı M'yanmadağı äskeri operaciyalardan jan sauğalap qaşıp, Bangladeşke barğan edi. Qazir Bangladeş jerinde millionnan astam rohinjalar bosqındar lagerinde ömir sürude. Tamız rohinjalardı mekenderine qaytaru äreketi tağı da iske aspay qaldı. Olar M'yanma jerine barsaq tağı da qırğınğa wşıraymız dep qorqadı.

M'yanma ükimeti osıdan bwrın rohinjalardı qabıl aluğa dayın ekenin bildirgen. Alayda, BBC-diñ anıqtauınşa, M'yanma äskerileri Rakhayn aymağındağı rohinjalardıñ mekenin bütindey özgertip, olar jasağan auıldardı tüp-tamırımen joq qılauda.

Qazir M'yanmanıñ köşi-qon policiyası şeteldik jurnalisterge bosqındardı qabıldauğa dayın ekenin körsetuge tırısıp jatır. Alayda, M'yanma tarabınan qwrılğan jaña «tranzit lagerleriniñ» jağdayı tım naşar. Onıñ üstine lagerler sım torlarmenen qorşalıp, qarauıl mwnarası ornatılğan. Lager mañın qarulı äskerler küzetip jüredi.

Bangladeştegi lagerlerde jasap jatqan rohinja mwsılmandarı M'yanma şekarasınan ötuden qorqadı. Olar ondağı bolaşağınıñ ne bolatının anıq bilmeydi. Qaytalay qırğınşılıqqa wşıraymız dep üreylenedi. Onıñ üstine M'yanma ükimeti rohinjalarğa jasalğan qırğınşılıqtı anıqtau, qılmıstılardı jazalauğa jäne olardıñ bolaşağına anıq kepildik te bergen joq.

M'yanma ükimetiniñ qwrıp jatqan lagerleri jüz mıñdağan mwsılmannıñ jasauına emes, kerisinşe olardıñ erkindigin şektep, baqılauda wstauğa jasalğanı anıq bayqaladı. BBC tilşisi M'yanmadağı jağdaydı tanıstıra otırıp, «bwl jerge mwsılmandar eşqaşan qaytıp kelmesi anıq» dep tüyindeydi.

“The Qazaq Times”