ميانما اسكەريلەرى مۇسىلماندار مىنگەن كەمەنى توقتاتتى

ميانما تەڭىز اسكەريلەرى اراكان شتاتىنان قاشقان 93 مۇسىلمان ازاماتى بار كەمەنى توقتاتتى. بۇل تۋرالى Kyodo حابارلاپ وتىر.

بوك ارالىنىڭ سولتۇستىك-باتىسىنان 9 شاقىرىم جەردە ۇستالعان كەمەدەگى جولاۋشىلاردىڭ 32-ءى بالالار. كاتەر كاپيتانىنىڭ مالىمەتى بويىنشا، سيتتۆەدەن قازان ايىندا شىققان كەمە مالايزياعا جول تارتقان. الايدا، ورتا جولدا باعىتىنان جاڭىلىسقان.

ەستەرىڭىزگە سالا كەتەيىك، ميانما بيلىگى بۇعان دەيىن دە بورتىندا 60 اراكاندىق قاشقىنى بار كەمەنى دارپين اۋدانىنان ۇستاعاندىعىن حابارلاعان بولاتىن.  سونىمەن بىرگە 16 قاراشا كۇنى يانگونا جاعالاۋىنان قاۋىپسىزدىك كۇشتەرى بورتىندا 100-دەن استام جولاۋشىسى بار تاعى ءبىر كەمەنى قۇرىقتاعانىن مالىمدەگەن.

1970 جىلدان باستام روحينيا-مۇسىلماندارىنا قاۋىپ ءتونىپ، ەتنيكالىق تازالاۋعا ىلىككەن بولاتىن. سول ۋاقىتتان بەرى ەكى ميلليونعا جۋىق تۇرعىن كورشى ەلدەردەن پانا تاپسا، بانگلادەشكە قاراي بەت بۇرعانداردىڭ 700 مىڭنان استام قىرعىنعا ۇشىراعان.

“The Qazaq Times”