"Altın Önim" öñirlik bağdarlamasınıñ tanıstırılımı Foto: QazaqTimes

Bügin Qazaq Wlttıq agrarlıq universitetiniñ Kişi zalında Azıq-tülik öndirisi salasında şağın jäne orta käsipkerlikti qarjılandıru jönindegi «Altın Önim» öñirlik bağdarlamasınıñ tanıstırılımı ötti.

Bağdarlamağa say, qala aumağında azıq-tülik öndirisiniñ basımdıq berilgen salalarında jwmıs isteytin şağın jäne orta käsipkerlik sub'ektilerin qoldau men damıtu maqsatında 100 mln teñgege deyin (1 jobağa)  7 jıldıq merzimge nesieleu bastaladı.

Konferenciyanı Qazaq Wlttıq Agrarlıq universitetiniñ birinşi prorektorı Tireuov Qanat Maratwlı  aşıp, endi Qazaqstan azamattarı  auılda da, qalada da öz biznesin jürgizu üşin 16 million teñgege deyin  şağın nesie ala alatındığın jekizdi. Sonday-aq, jiınğa Almatı qalalıq Auıl şaruaşılığı jäne veterinariya basqarmasınıñ jetekşisi Kerimbekov Aydın Janwzaqwlı, «Damu» käsipkerlikti damıtu qorı» direktorınıñ orınbasarı Marğwlan Edige Säulebekwlı bastağan işki jäne orta biznestiñ basşıları men ökilderi qatıstı.

Foto: QazaqTimes

«Altın önim» bağdarlaması Almatı qalasınıñ äkimdigi men «Damu» käsipkerlikti damıtu qorı» AQ-nıñ qoldauımen äzirlengen. YAğni, jalpı qarjılandırudıñ qwnı 1 mlrd teñge. Onıñ 500 millionı Almatı qalalıq äkimşilik tarapınan bölinse, qalğan 500 millionın «Damu» käsipkerlikti damıtu qorı bölmek.  Nesieniñ sıyaqı stavkası jılına 8,5 payızdan aspaydı jäne 18 ayğa deyin jeñildik kezeñi wsınıladı.

Zarina Karmen, «Damu» käsipkerlikti damıtu qorınıñ aymaqtıq filialınıñ bas menedjeri. Foto: QazaqTimes

ZARINA KARMEN, «Damu» käsipkerlikti damıtu qorınıñ aymaqtıq filialınıñ bas menedjeri:   «Bağdarlamanıñ maqsatı: Almatı qalasındağı käsipkerlerge qoldau körsetu. Nesieni Almatı qalasında tirkelgen jäne jwmıs jasap jatqan käsipker, aynalımdağı kapitaldı qarjılandıru üşin nemese öziniñ käsipkerligin keñeytu üşin aluına boladı. Sonday-aq, nesie berilmeytin jağdaylar bar. Mısalı, eski qarızdı qaytaru üşin qayta nesie aluğa rwqsat etilmeydi. Al jalpı nesieni kez kelgen  käsipker, tipti käsipkerlikke jaña qadam basıp keletin twlğalar ala aladı».            

Foto: QazaqTimes

Qarjılandıru mehanizmi tömendegidey jüzege asadı:

Birinşiden, käsipker (käsipkerlikke endi kelip jatqan bolsa da) Bankke nesie aluğa ötiniş bildiredi. Odan keyin, ekinşi deñgeyli bank onıñ ötinişin qarap, atalmış şağın jäne önerkäsip sub'ektisin qarjılandırudıñ mümkindikterin anıqtaydı. Üşinşiden, Ötiniş qabıldanğan jağdayda, Bank proektini «Almatı qalasınıñ iskerlik jäne industriyalıq-innovaciyalıq damu basqarmasına» jiberedi. Basqarma jobanı qabıldağan künnen bastap 3 (üş) jwmıs küninde qarap şığadı. Jäne törtinşi, üşinşi punktidegi basqarma maqwldağan jağdayda  atalmış joba qarjılandırıladı.

Ayta keteyik, «Altın önim» öñirlik bağdarlamasınıñ seriktesteri:   «Kazkommercbank» AQ  jäne «Halıq bank» AQ.

«The Qazaq Times»