QR prezidenti Q.Toqaev. Foto: aşıq derekköz

Bügin elordanıñ Mäjilis üyinde VI şaqırılımdağı QR Parlamentiniñ besinşi sessiyasınıñ aşıluına oray prezident Toqaevtıñ törağalığımen Parlament palatalarınıñ birlesken otırısı ötip jatır. Jiında prezident Qazaqstan halqına Joldau jasauda. 

Joldau N.Nazarbaevtıñ dästürli kommunikaciyalıq forması. 9 säuir Toqaev Qazaqstan halqına ündeuinde «Biz Elbasımızdıñ arqasında täuelsiz, quattı memleket qwrdıq. ...Biz Elbasınıñ sara jolımen jüremiz» degeni bar. Kezekti joldau – jaña prezidenttiñ bwrınğı formadağı alğaşqı mälimdemesi. Rasımen de sabaqtastıqtı berik wstanımı dep biletin ekinşi prezident «Elbasınıñ sara jolınıñ» ülgisin tanıtıp keledi.

Memleket basşısı Q.Toqaev tamızdıñ 10-ı Halıqqa joldau jariyalaytını turalı habarlağan edi. Prezident tipti joldauda köteriletin mäselelerdiñ şet jağasın aytıp qalğan. Sayasi intrigalıq habarlamağa eleñdep otırğan el qarası qalıñ.

«2 qırküyekke josparlanğan Halıqqa Joldauımda esirtki biznesi, pedofiliya, jınıstıq zorlıq-zombılıq jäne jeke twlğağa qarsı jasalatın basqa da auır qılmıstarğa qatıstı jazalau şaraların qatañdatu jöninde Parlamentke jäne Ükimetke tapsırmalar jükteledi», – dep jazğan edi Toqaev Twitter paraqşasında. 10 tamız 2019 jıl.

Toqaev öz Joldauında «Mitingter turalı zañnamanı jetildiru qajettigi», oğan «arnayı orın bölinetinin» ayttı. Sonımen qatar eld jaña kezeñdegi damıtuda «Men halıqqa bergen uädelerimdi mindetti türde orındaymın», – dedi.

Jiında köptaqırıptı Joldaudıñ bir töbesi retinde deputattardıñ halıqqa qaray bet bwrıp, eldiñ tüytkildi mäslelerin qozğay almauına sın aytıldı. «Bizdiñ qoğamdı mazalağan negizgi mäseleler köşelerde emes, azamattıq dialog ayasında Parlamentte şeşilui tiis. Deputattar öziniñ zañdı qwqığın paydalanıp, Ükimetke özekti mäseleler turalı saual joldap, odan naqtı şaralardı qabıldaudı talap etui kerek», – dedi prezident Qazaqstan halqına Joldauında.

Esteriñizge sala keteyik, 1997 jılı 16 qazanda N.Nazarbaevtıñ el missiyasın, eñ mañızdı 7 prioritet pen  naqtı 8 qadamdı ayqındağan alğaşqı «Qazaqstan halqına Joldauı» tek orıs tilinde jasalğan edi. Sodan beri eks-prezident N.Nazarbaev öz ökilettiligi twsında 24 ret Joldau jasap, birneşe iri-iri jobalardı jariyalağan. Bir qızığı, bastapqı kezeñderde 8 joldau (8 jılda) simvolikalıq mände küntizbe boyınşa aydıñ 16-sı joldanıp jürgen.

Al 20 naurızdan bastap el prezidenti Qasım-Jomart Toqaev jariyalı türde 13 märte mälimdeme jasağan.

"The Qazaq Times"