Foto: Naked-science

Soñğı jıldarı älem robottardıñ neşe türin jasap, şığarıp jatır. Al amerikalıq injenerler bası men keudesi joq, tek qana ayağı bar robottardı narıqqa wsındı. Ol – Cassie dep ataladı. Atalmış robottardı Oregon ştatındağı (AQŞ-ta) Universitettiñ injenerleri wsınğan.  

Cassie-diñ eki ayağı bar, biraq keudesi, bası men qolı joq. Injenerlerdiñ aytuınşa, osınday bolğanı tiimdi. Sebebi, kez kelgen jağdaylarda, aua-rayına qaramastan da qızmet ete aladı. Tabiği apattarğa wşırağan,  alıs audandarğa da däri-därmekter jetkizuge mümkindigi bar. Mamandar Cassie-den robot-qwtqaruşı bola alatın potencial bayqağan.

Robottıñ jürisi tüyeqws januarınıñ jürisine wqsaydı. Ol tegin emes eken.   Agility Robotics     komandasınıñ injenerleriniñ aytuınşa, olar apparattarınıñ jaqsı bolıp şığuı üşin, arnayı januarlardıñ jüris-twrısın zerttegen. Mäselen tüyeqwstıñ jıldamdığı 70 km/sağat. Cassie, ärine, oğan äzirge jete qoymaydı. Degenmen, mamandar «aldağı uaqıtta tağı da küşimizdi salıp, jetildiremiz. Sol kezde ol (Cassie) adamdarmen jarısa alatınday boladı» deydi.

Tağı bir erekşeligi: eger Cassie qwlap qalsa, oğan eşqanday «ölim» qaupi tönbeydi. Sonımen qatar,  özge robottarğa qarağanda  şıdamdılığı joğarı, energiya ünemdeydi jäne bağası arzan. Bwl – Agility Robotics tobınıñ jasağan ekinşi tüyeqws jüristi robottarı.

«The Qazaq Times»